ප්‍රධාන පුවත්

අත්‍යවශ්‍ය භාණ්ඩ බදු අඩු කිරීමේ ගැසට් නිවේදනය නිකුත් වෙයි

අත්‍යවශ්‍ය භාණ්ඩ බදු අඩු කිරීමේ ගැසට් නිවේදනය රජය විසින් නිකුත් කර තිබේ.

අත්‍යවශ්‍ය භාණ්ඩ රැසක් සඳහා මෙතෙක් පනවා තිබූ විශේෂ වෙළෙඳ භාණ්ඩ බදු සංශෝධනය කරමින් මෙම පියවර ගෙන ඇති අතර, එය ඊයේ (12) මධ්‍යම රාත්‍රියේ සිට ක්‍රියාත්මක වන බව ජනාධිපති අනුර කුමාර දිසානායක මහතා 2027 අයවැය පාර්ලිමේන්තුවට ඉදිරිපත් කරමින් ප්‍රකාශ කළේය.

අත්‍යවශ්‍ය භාණ්ඩ බදු අඩු කිරීම යටතේ හාල්මැස්සන්, උම්බලකඩ සහ මිරිස් බදු පහළට

ඒ අනුව ආනයනික හාල්මැස්සන් කිලෝග්‍රෑමයක් සඳහා මෙතෙක් අය කළ රුපියල් 100ක විශේෂ වෙළෙඳ භාණ්ඩ බද්ද රුපියල් 10 දක්වා අඩු කර තිබේ.

එසේම උම්බලකඩ කිලෝග්‍රෑමයක් සඳහා අය කළ රුපියල් 202ක බද්ද ද රුපියල් 10 දක්වා පහත දමා ඇත.

මීට අමතරව කුඩු කළ සහ කුඩු නොකළ වියළි මිරිස් සඳහා කිලෝග්‍රෑමයකට අය කළ විශේෂ වෙළෙඳ භාණ්ඩ බද්ද ද රුපියල් 50 දක්වා අඩු කිරීමට පියවර ගෙන තිබේ.

මෙම බදු සංශෝධන සම්බන්ධයෙන් වන ගැසට් නිවේදනය මේ වන විට නිකුත් කර ඇති අතර, අදාළ බදු අඩු කිරීම් ඊයේ මධ්‍යම රාත්‍රියේ සිට බලාත්මක වේ.

Related Articles

Leave a Reply

Your email address will not be published. Required fields are marked *

Back to top button