ප්‍රධාන පුවත්

ගොවීන් හා ධීවරයින්ට වාහන රහිත ඉන්ධන ලබාදීමට නව QR ක්‍රමවේදයක් ඉක්මනින්

ගොවීන්, ධීවරයින් ඇතුළු විවිධ වෘත්තීය කණ්ඩායම් සඳහා ඉන්ධන නිකුත් කිරීම පහසු කිරීම සඳහා නව QR කේත පදනම් වූ ක්‍රමවේදයක් හඳුන්වාදීමට ලංකා ඛනිජ තෙල් නීතිගත සංස්ථාව සැලසුම් කරමින් සිටියි.

එම සංස්ථාවේ සභාපති ඩී.ජේ.ඒ.එස්. ද එස්. රාජකරුණා මහතා සඳහන් කළේ, වාහන නොමැතිව ඉන්ධන භාවිත කරන පුද්ගලයින් සඳහා විශේෂයෙන් නිර්මාණය කළ QR ක්‍රමයක් මෙහිදී හඳුන්වාදීමට කටයුතු කරන බවයි.

මෙම නව ක්‍රමවේදය දැනට සැකසෙමින් පවතින අතර, ගොවීන්, ධීවරයින් සහ අනෙකුත් වෘත්තීය කණ්ඩායම්වල ඉන්ධන අවශ්‍යතා සපුරාලීම මෙහි ප්‍රධාන අරමුණ වේ.

මෙම QR කේතය ලබාගැනීම සඳහා අදාළ පුද්ගලයින් තම ඉන්ධන අවශ්‍යතා පිළිබඳ තොරතුරු ග්‍රාම නිලධාරීවරයා හෝ ප්‍රාදේශීය ලේකම් කාර්යාලය වෙත ඉදිරිපත් කළ යුතුය. එම තොරතුරු අනුව, ජාතික හැඳුනුම්පත් අංකය මත පදනම්ව QR කේතය නිකුත් කෙරේ.

තවද, මෙම ක්‍රමවේදය යටතේ වෙන් කරන ලද කාණ්ඩ 7ක් තුළින් ඉන්ධන ලබාදීම සිදු වන අතර, එක් එක් කාණ්ඩ සඳහා ලබාදෙන ඉන්ධන ප්‍රමාණය ඛනිජ තෙල් නීතිගත සංස්ථාව විසින් තීරණය කරනු ඇත.

මෙම නව QR ක්‍රමය ඉදිරියේදී ක්‍රියාත්මක කිරීමට නියමිත අතර, වාහන නොමැතිව කෘෂිකාර්මික, ධීවර සහ වෙනත් කාර්යයන් සඳහා ඉන්ධන භාවිත කරන සියලු පාර්ශ්වයන්ට එය මහත් පහසුවක් වනු ඇති බව විශ්වාස කෙරේ.

Related Articles

Leave a Reply

Your email address will not be published. Required fields are marked *

Back to top button