උණුසුම් පුවත්

2009 සිට ආනයනික ගල් අඟුරු ගැන සොයන්න ජනාධිපති විශේෂ විමර්ශන කොමිෂන් සභාවක්

ගල්අඟුරු සම්බන්ධයෙන් උද්ගතව ඇති ගැටලුව විමර්ශනය කිරීම සඳහා ජනාධිපතිවරයා විසින් විශේෂ ජනාධිපති විමර්ශන කොමිසම් සභාවක් පත් කිරීමට සැලසුම් කර ඇති බව අනාවරණය වේ.

මෙම කරුණ ප්‍රකාශ කළේ ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා විසින් පාර්ලිමේන්තුවේදී අදහස් දක්වමින්ය.

අමාත්‍යවරයා වැඩිදුරටත් සඳහන් කළේ, විශ්වාසභංගයෙන් අනතුරුව මෙම විශේෂ කොමිසම පත් කිරීමට නියමිත බවත්, ඒ සඳහා දැනට සේවයේ නියුතු ශ්‍රේෂ්ඨාධිකරණ විනිසුරුවරුන් පත් කිරීමට සැලසුම් කර ඇති බවත්ය. 

එහිදී අදහස් දැක්වූ ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා,

”මේ විශ්වාසභංගයෙන් පස්සේ ජනාධිපතිතුමා විසින් පත්කරනවා විශේෂ කොමිෂන් සභාවක්.. ඒ විශේෂ ජනාධිපති කොමිෂන් සභාවල තිබෙන විශේෂත්වය තමයි ඒකට පත් කරන්නේ දැනට ඉන්න ශ්‍රේෂ්ඨාධිකරණ විනිශ්චකාරවරු.. විශ්‍රාම ගිය අය නෙමේ.. 2009 ඉඳලා ගල් අඟුරු ගේනවා මං හිතන්නේ 465ක් විතර.. ඒවගෙන් 452ක් ගෙනත් තියෙන්නේ ඕගොල්ලෝ, අපේ කාලේ ගෙනත් තියෙන්නේ දහතුනයි. අපි මේ ඔක්කොම බලමු… ඔක්කොම බලලා වැරදිකරු  වුණොත් ඕගොල්ලෝ හිරේ යන්න ලෑස්තිද?.. 2009 ඉඳන් සම්පූර්ණ ගල් අඟුරු ක්‍රියාවලිය පරීක්ෂා කරනවා… පරීක්ෂා කරලා ජයකොඩි ඇමතිතුමා වැරදී නම් එතුමා හිරේට යයි. එහෙම නොවුණොත් ඔබතුමාලා වැරදි වුණොත් ඔබතුමාලා හිරේ යයි. ඒ නිසා අන්න ඒ සඳහා අපි කටයුතු කරමු.”

 

Related Articles

Leave a Reply

Your email address will not be published. Required fields are marked *

Back to top button