
උණුසුම් පුවත්
අද මධ්යම රාත්රියේ සිට ඉන්ධන මිල ඉහළට
ලංකා ඛනිජ තෙල් නීතිගත සංස්ථාව (CPC) ඉන්ධන මිල සංශෝධනය කිරීමට තීරණය කර තිබේ.
ඒ අනුව, අද (30) මධ්යම රාත්රී 12.00 සිට බලපැවැත්වෙන පරිදි දිවයින පුරා පිහිටි ලංකාධිකාරී ඉන්ධන පිරවුම්හල්වල ඉන්ධන වර්ග කිහිපයක මිල ඉහළ දමා ඇත.
නව මිල සංශෝධනයට අනුව ලංකා සුදු ඩීසල් ලීටරයක මිල රුපියල් 15කින් ඉහළ දමා රුපියල් 407 දක්වාද, සුපිරි ඩීසල් 4 ස්ටාර් යුරෝ 4 ලීටරයක මිල රුපියල් 20කින් ඉහළ දමා රුපියල් 478 දක්වාද සංශෝධනය කර තිබේ.
එසේම, ලංකා භූමිතෙල් ලීටරයක මිල රුපියල් 20කින් ඉහළ දමා රුපියල් 285 දක්වාත්, පෙට්රල් 95 ඔක්ටේන් යුරෝ 4 ලීටරයක මිල රුපියල් 25කින් ඉහළ දමා රුපියල් 495 දක්වාත් වැඩිකර ඇත.
ලංකා පෙට්රල් 92 ඔක්ටේන් ලීටරයක මිලද රුපියල් 24කින් ඉහළ දමා රුපියල් 434 දක්වා සංශෝධනය කර ඇති බව ලංකා ඛනිජ තෙල් නීතිගත සංස්ථාව නිවේදනය කළේය.



