
ප්රකාශයක් ලබාදීමට රවී කරුණානායක අල්ලස් කොමිසමට
හිටපු අමාත්ය සහ පාර්ලිමේන්තු මන්ත්රී රවී කරුණානායක මහතා අද (31) අල්ලස් හෝ දූෂණ චෝදනා විමර්ශන කොමිෂන් සභාව වෙත පැමිණ තිබේ.
ජාතික ලොතරැයි මණ්ඩලයේ විශේෂ ව්යාපෘතියක් සඳහා බඳවාගෙන තිබූ සේවකයන් තිදෙනෙකු දේශපාලන කටයුතු සඳහා යොදාගැනීමෙන් රජයට පාඩුවක් සිදු කළ බවට කියන සිද්ධියක් සම්බන්ධයෙන් ප්රකාශයක් ලබාදීම සඳහා ඔහු මෙලෙස කොමිසම හමුවේ පෙනී සිට ඇත.
කොමිසමෙන් මීට පෙර කළ දැනුම්දීම
අදාළ සිද්ධිය සම්බන්ධයෙන් සිදුකරන විමර්ශනයට අදාළව ප්රකාශයක් ලබාදීම සඳහා මීට පෙර දිනයක කොමිසම හමුවේ පෙනී සිටින ලෙස රවී කරුණානායක මහතාට දැනුම් දී තිබිණි.
කෙසේ වෙතත්, එම දැනුම්දීම අනුව ඔහු කොමිසම හමුවට පැමිණ නොසිටීම හේතුවෙන් අල්ලස් කොමිසමේ නිලධාරීන් පිරිසක් පසුගියදා ඔහුගේ නිවස වෙත ගොස් තිබුණි.
විවාහ මංගල්යය හේතුවෙන් වෙනත් දිනයක් ඉල්ලා තිබේ
නිලධාරීන් නිවසට පැමිණි අවස්ථාවේදී රවී කරුණානායක මහතා එහි නොසිටි බව සඳහන් වේ.
එහිදී සිය දියණියගේ විවාහ මංගල්යයේ කටයුතු හේතුවෙන් එම අවස්ථාවේ ප්රකාශය ලබාදීමට නොහැකි බැවින් වෙනත් දිනයක් ලබාදෙන ලෙස ඔහුගේ නීතිඥවරුන් මාර්ගයෙන් ඉල්ලීමක් කර තිබිණි.
අද අල්ලස් කොමිසම හමුවට පැමිණෙයි
ඒ අනුව ලබාදුන් දැනුම්දීමට අනුව රවී කරුණානායක මහතා අද දිනයේ අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනී සිට තිබේ.
ජාතික ලොතරැයි මණ්ඩලයේ විශේෂ ව්යාපෘතියට අදාළ සේවකයන් තිදෙනෙකු දේශපාලන කටයුතු සඳහා යොදාගැනීම සම්බන්ධයෙන් ඔහුගෙන් මෙලෙස ප්රකාශයක් ලබාගැනීමට නියමිතය.



