
වීදි සුනඛයින්ට මයික්රෝ චිප් සවිකර තොරතුරු රැස් කිරීමේ වැඩසටහනක්
වීදි සුනඛයින්ට මයික්රෝ චිප් ඇතුළු කර ඔවුන් පිළිබඳ තොරතුරු රැස් කිරීමේ විශේෂ වැඩසටහනක් හෝමාගම ප්රාදේශීය සභාවේ මැදිහත්වීමෙන් ආරම්භ කර තිබේ.
වීදි සුනඛයින්ට මයික්රෝ චිප් මගින් සම්පූර්ණ දත්ත වාර්තාවක්
මෙම ක්රමවේදය යටතේ සුනඛයින්ගේ ශරීරයට ඇතුළු කරන මයික්රෝ චිපය මගින් අදාළ සත්ත්වයාට ලබාදී ඇති එන්නත් පිළිබඳ තොරතුරු, සෞඛ්ය තත්ත්වය සහ සිටින ස්ථානය ඇතුළු දත්ත ලබාගැනීමට හැකියාව පවතී.
වීදි සුනඛයින් සපාකෑමේ සිදුවීමක් හෝ වෙනත් අවශ්යතාවක් මතුවන අවස්ථාවකදී අදාළ සත්ත්වයා සම්බන්ධ තොරතුරු කඩිනමින් හඳුනාගැනීමට මෙම වැඩපිළිවෙළ උපකාරී වනු ඇත.
අයිතිකරුවන් නොමැතිව නිදැල්ලේ සැරිසරන සුනඛයින් මේ වන විට දිවයිනේ බොහෝ ප්රදේශවල දක්නට ලැබෙන අතර, එම තත්ත්වය සංචාරක පුරවරයක් වන ගාල්ලට ද දැඩි බලපෑමක් එල්ල කර තිබේ.
මෙවැනි පසුබිමක වීදි සුනඛයින් පිළිබඳ නිවැරදි තොරතුරු සහ සංඛ්යාලේඛන ලබාගැනීම ද අභියෝගයක් වී ඇත.
ඒ අනුව හෝමාගම ප්රාදේශීය සභාව ආරම්භ කළ මෙම වැඩසටහන මගින් එක් එක් සුනඛයා පිළිබඳ දත්ත වාර්තාවක් පවත්වාගෙන යාමටත්, අවශ්ය අවස්ථාවලදී එම තොරතුරු පරීක්ෂා කිරීමටත් හැකියාව ලැබේ.
මේ අතර ජලභීතිකා රෝගය තුරන් කිරීමේ අරමුණින් සුනඛයින්ට එන්නත් ලබාදීම සහ ලියාපදිංචි කිරීමේ වැඩසටහනක් ද පසුගියදා හැටන් දික්ඔය නගර සභා ශාලාවේදී පැවැත්වී තිබේ.



