
විමල් වීරවංශට යළි නොතීසි – අභියාචනාධිකරණයෙන් නියෝගයක්
විමල් වීරවංශට යළි නොතීසි නිකුත් කිරීමට අභියාචනාධිකරණය නියෝග කර තිබේ. ඒ අනුව අධිකරණයට අපහාස කිරීමේ චෝදනාවට අදාළ පැමිණිල්ල සම්බන්ධයෙන් කරුණු ඉදිරිපත් කිරීම සඳහා ලබන නොවැම්බර් 30 වැනිදා අධිකරණය හමුවේ පෙනී සිටින ලෙස හිටපු අමාත්යවරයාට දැනුම් දී ඇත.
විමල් වීරවංශට යළි නොතීසි නිකුත් කරමින් නොවැම්බර් 30 වැනිදා අධිකරණයේ පෙනී සිටින ලෙස අභියාචනාධිකරණයෙන් නියෝගයක්
හිටපු අමාත්ය විමල් වීරවංශ මහතා විසින් සිදුකරන ලද ආන්දෝලනාත්මක ප්රකාශයක් මඟින් අධිකරණයට අපහාසයක් සිදුව ඇති බවට චෝදනා කරමින් මෙම පැමිණිල්ල ඉදිරිපත් කර තිබේ.
ඒ සම්බන්ධයෙන් කොළඹ ප්රධාන මහෙස්ත්රාත් අධිකරණය විසින් අභියාචනාධිකරණයට පැමිණිල්ලක් ඉදිරිපත් කර ඇති අතර, අදාළ කරුණු සලකා බැලීමෙන් අනතුරුව අභියාචනාධිකරණය මෙම නියෝගය ලබා දී ඇත.
මෙම පැමිණිල්ල සම්බන්ධයෙන් මීට පෙරද විමල් වීරවංශ මහතාට අධිකරණය හමුවේ පෙනී සිටින ලෙස නොතීසි නිකුත් කර තිබුණි.
කෙසේ වෙතත්, එම නියමිත දිනයේදී හිටපු අමාත්යවරයා අධිකරණය හමුවේ පෙනී නොසිටීම හේතුවෙන් නැවතත් නොතීසි නිකුත් කිරීමට අධිකරණය තීරණය කර තිබේ.
ඒ අනුව ලබන නොවැම්බර් 30 වැනිදා අධිකරණය හමුවේ පෙනී සිට මෙම පැමිණිල්ල සම්බන්ධයෙන් කරුණු දක්වන ලෙස විමල් වීරවංශ මහතාට අභියාචනාධිකරණය නියෝග කර ඇත.



