ප්‍රධාන පුවත්

මාරාන්තික රිය අනතුරු රැල්ලක් – ඊයේ ජීවිත 6ක් අහිමි වෙයි

දිවයිනේ විවිධ ප්‍රදේශවලදී සිදුවූ මාරක රිය අනතුරු මාලාවක් හේතුවෙන් පුද්ගලයන් 6 දෙනෙකු ජීවිතක්ෂයට පත්ව ඇති බව පොලීසිය සඳහන් කරයි. මෙම අනතුරු ඊයේ (26) දින පේරාදෙණිය, මාලඹේ, නිකවැරටිය, කළුතර, කෝපායි සහ අලව්ව යන ප්‍රදේශවලදී වාර්තා වී තිබේ.

පේරාදෙණිය ප්‍රදේශයේදී මෝටර් රථයක් පදිකයෙකුට ගැටීමෙන් 46 හැවිරිදි පුද්ගලයෙකු මියගොස් ඇත. මාලඹේ ප්‍රදේශයේ සිදුවූ අනතුරකදී මෝටර් රථයක් හා යතුරුපැදියක් අතර ගැටීමෙන් 25 හැවිරිදි යතුරුපැදිකරු ජීවිතක්ෂයට පත්ව තිබේ.

නිකවැරටිය ප්‍රදේශයේදී මෝටර් රථයක් හා යතුරුපැදියක් අතර සිදුවූ අනතුරකින් 33 හැවිරිදි කාන්තාවක් මියගොස් ඇති අතර, එහිදී තවත් කිහිපදෙනෙකු තුවාල ලබා රෝහල්ගත කර ඇත.

කළුතර උතුර ප්‍රදේශයේදී ත්‍රීරෝද රථයක් පාපැදිකරුවෙකුට ගැටීමෙන් 59 හැවිරිදි පුද්ගලයෙකු මියගොස් ඇති අතර, කෝපායි ප්‍රදේශයේදී ත්‍රීරෝද රථයක් පදිකයෙකුට ගැටීමෙන් 56 හැවිරිදි පුද්ගලයෙකු ජීවිතක්ෂයට පත්ව ඇත.

තවද, අලව්ව ප්‍රදේශයේදී ලොරි රථයක් පදිකයෙකුට ගැටීමෙන් පුද්ගලයෙකු මියගොස් ඇති අතර, එම පුද්ගලයාගේ අනන්‍යතාවය මෙතෙක් හඳුනාගෙන නොමැති බව පොලීසිය වැඩිදුරටත් පවසයි.

Related Articles

Leave a Reply

Your email address will not be published. Required fields are marked *

Back to top button