සෞඛ්‍යය

ඩෙංගු රෝගීන් 95,000 ඉක්මවයි – මරණ 72ක් වාර්තා වෙයි

ඩෙංගු රෝගීන් සංඛ්‍යාව මේ වසරේ මේ දක්වා 95,035 දක්වා ඉහළ ගොස් ඇති බව ජාතික ඩෙංගු මර්දන ඒකකය පවසයි.

එම ඒකකය නිකුත් කළ නිවේදනයකට අනුව, අගෝස්තු මාසය තුළ පමණක් ඩෙංගු ආසාදිතයින් 9,699 දෙනෙකු හඳුනාගෙන තිබේ.

මේ අතර, 2026 වසරේ මේ දක්වා ඩෙංගු ආසාදනය වීම හේතුවෙන් පුද්ගලයින් 72 දෙනෙකු මියගොස් ඇති බවද සඳහන්ය.

බස්නාහිරින් වැඩිම රෝගීන්

මෙම වසරේ මේ දක්වා වැඩිම ඩෙංගු රෝගීන් සංඛ්‍යාවක් වාර්තා වී ඇත්තේ බස්නාහිර පළාතෙනි. එම සංඛ්‍යාව 50,287කි.

දකුණු පළාතෙන් රෝගීන් 13,843ක්ද, මධ්‍යම පළාතෙන් 8,647ක්ද, සබරගමුව පළාතෙන් 7,808ක්ද වාර්තා වී ඇත.

ගම්පහ දිස්ත්‍රික්කය ඉදිරියෙන්

දිස්ත්‍රික්ක අනුව සැලකීමේදී වැඩිම ඩෙංගු රෝගීන් සංඛ්‍යාවක් ගම්පහ දිස්ත්‍රික්කයෙන් හඳුනාගෙන ඇති අතර එය 20,248කි.

කොළඹ දිස්ත්‍රික්කයෙන් රෝගීන් 18,842ක්, මහනුවරින් 6,931ක්, මාතරින් 6,125ක් සහ කළුතරින් 6,122ක් වාර්තා වී තිබේ.

අධි අවදානම් කලාප 76ක්

තවදුරටත් දිවයින පුරා සෞඛ්‍ය වෛද්‍ය නිලධාරී බලප්‍රදේශ 76ක් ඩෙංගු අධි අවදානම් කලාප ලෙස හඳුනාගෙන ඇති බව ජාතික ඩෙංගු මර්දන ඒකකය සඳහන් කරයි.

Related Articles

Leave a Reply

Your email address will not be published. Required fields are marked *

Back to top button