
කැලණි ගඟේ සුළු ගංවතුර අවදානමක් – පහත්බිම් ජනතාවට අනතුරු ඇඟවීමක්
කැලණි ගඟේ සුළු ගංවතුර අවදානමක් – පහත්බිම් ජනතාවට අනතුරු ඇඟවීමක්
කැලණි ගඟේ සුළු ගංවතුර අවදානමක් ඉදිරි පැය 24 තුළ ඇතිවිය හැකි බැවින් ගංඟා නිම්නයේ පහත්බිම්වල පදිංචිකරුවන්ට අවධානයෙන් පසුවන ලෙස දැනුම් දී තිබේ. ගඟේ ඉහළ ධාරා ප්රදේශවලට සැලකිය යුතු වර්ෂාපතනයක් ලැබීමත්, වාරිමාර්ග දෙපාර්තමේන්තුවේ ජල මට්ටම් දත්ත විශ්ලේෂණයත් මත මෙම අනතුරු ඇඟවීම නිකුත් කර ඇත.
කැලණි ගඟේ සුළු ගංවතුර අවදානම හංවැල්ලෙන් පහළ ප්රදේශවලටත් ව්යාප්ත විය හැකියි
ඒ අනුව රුවන්වැල්ල, සීතාවක, දොම්පේ, දෙහිඕවිට, ඇහැළියගොඩ, යටියන්තොට සහ බුලත්කොහුපිටිය යන ප්රාදේශීය ලේකම් කොට්ඨාසවල පහත්බිම් ප්රදේශවල ජීවත් වන ජනතාව විශේෂ අවධානයකින් පසුවිය යුතුය.
එමෙන්ම අදාළ ප්රදේශ හරහා ගමන් කරන රියදුරන්ටද ගංවතුර තත්ත්වයක් ඇතිවීමේ හැකියාව පිළිබඳ සැලකිලිමත් වන ලෙස දැනුම් දී තිබේ.
තවදුරටත් තද වැසි ඇදහැලුණහොත් හංවැල්ල ප්රදේශයෙන් පහළ කැලණි ගඟේ නිම්නයට අයත් පහත්බිම් ප්රදේශවලටද සුළු ගංවතුර තත්ත්වය ව්යාප්ත විය හැකි බවට අනතුරු අඟවා ඇත.
මෙම තත්ත්වය සැලකිල්ලට ගනිමින් අදාළ ආපදා කළමනාකරණ අංශ අවශ්ය පියවර ගන්නා ලෙසද දැනුම් දී තිබේ.



