
මරදානේ ඔන්ලයින් වංචාවක් විමර්ශනයකින් විදේශිකයන් 21ක් අත්අඩංගුවට
මරදානේ ඔන්ලයින් වංචා සිදුකළ බවට සැක කෙරෙන විදේශීය ජාතිකයන් 21 දෙනෙකු පොලිස් නිලධාරීන් විසින් අත්අඩංගුවට ගෙන තිබේ.
මරදානේ ඔන්ලයින් වංචා ජාලය ගැන පුළුල් විමර්ශනයක්
කොළඹ මරදාන ටෙක්නිකල් හන්දිය ආසන්නයේ පිහිටි ගොඩනැගිල්ලක සිට අන්තර්ජාලය ඔස්සේ මූල්ය වංචා සහ වෙනත් නීතිවිරෝධී ජාවාරම් මෙහෙයවා ඇති බවට ලැබුණු තොරතුරු මත මෙම වැටලීම සිදුකර ඇත.
පොලිස් මධ්යම අපරාධ විමර්ශන කාර්යාංශය, අපරාධ පරීක්ෂණ දෙපාර්තමේන්තුව සහ ආගමන විගමන දෙපාර්තමේන්තුවේ නිලධාරීන් ඒකාබද්ධව මෙම මෙහෙයුම ක්රියාත්මක කර තිබේ.
මරදාන ටෙක්නිකල් හන්දිය ප්රදේශයේ පිහිටි තෙමහල් ගොඩනැගිල්ලක් තුළ මෙම ජාවාරම් පවත්වාගෙන ගොස් ඇති අතර, එම ස්ථානයේ සිටි විදේශිකයන් 21 දෙනෙකු මෙලෙස අත්අඩංගුවට පත්ව ඇත.
අත්අඩංගුවට ගත් පිරිස අතර චීන ජාතිකයන් 12 දෙනෙකු, බංග්ලාදේශ ජාතිකයන් 6 දෙනෙකු සහ ඉන්දීය ජාතිකයන් තිදෙනෙකු සිටින බව වාර්තා වේ.
මෙම පිරිස විසින් අන්තර්ජාලය ඔස්සේ සිදුකරගෙන ගිය බව කියන වංචා සහ නීතිවිරෝධී ජාවාරම්වල ස්වභාවය මෙන්ම ඒවාට සම්බන්ධ ජාලය පිළිබඳවද පොලීසිය පුළුල් විමර්ශනයක් ආරම්භ කර තිබේ.
පොලිස්පති ප්රියන්ත වීරසූරිය මහතාගේ උපදෙස් මත ජ්යෙෂ්ඨ නියෝජ්ය පොලිස්පති රන්මල් කොඩිතුවක්කු මහතාගේ මෙහෙයවීමෙන් ජ්යෙෂ්ඨ පොලිස් අධිකාරී කමල් ආරියවංශ මහතා ඇතුළු නිලධාරීන් කණ්ඩායමක් වැඩිදුර විමර්ශන සිදුකරයි.



