කාලගුණය

මුහුදු ප්‍රදේශවලට තද සුළං අවවාදය

ශ්‍රී ලංකාවට ඊසාන දෙසින් ස්ථාපිතව පවතින අඩු පීඩන කලාපයේ බලපෑම හේතුවෙන් ඉදිරි පැය 24ක කාලය තුළ දිවයින වටා මුහුදු ප්‍රදේශවල සුළං වේගය සහ වැසි තත්ත්වය ඉහළ යා හැකි බව කාලගුණ විද්‍යා දෙපාර්තමේන්තුව අනතුරු අඟවයි.

ඒ අනුව, ධීවර සහ නාවුක ප්‍රජාව කාලගුණ විද්‍යා දෙපාර්තමේන්තුව විසින් නිකුත් කරන ඉදිරි නිවේදන සහ අනාවැකි පිළිබඳව සැලකිලිමත්ව කටයුතු කළ යුතු බව ද දැනුම් දී ඇත.

මුලතිව් සිට කන්කසන්තුරය, පුත්තලම සහ කොළඹ හරහා ගාල්ල දක්වා වෙරළට ඔබ්බෙන් පිහිටි මුහුදු ප්‍රදේශවල විටින් විට වැසි හෝ ගිගුරුම් සහිත වැසි ඇතිවිය හැකි බව සඳහන්ය.

එසේම, දිවයින වටා ඇති අනෙකුත් මුහුදු ප්‍රදේශවල සවස් හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇති විය හැකියි.

සුළං නිරිත දෙසින් හමා එන අතර එහි සාමාන්‍ය වේගය පැයට කිලෝමීටර් 25ත් 35ත් අතර පවතින බව වාර්තා වේ.

කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළං වේගය විටින් විට පැයට කිලෝමීටර් 50ත් 55ත් දක්වා ඉහළ යා හැකි බව ද කාලගුණ අංශය පෙන්වා දෙයි.

එම ප්‍රදේශ විටින් විට රළු විය හැකි අතර, දිවයින වටා අනෙකුත් මුහුදු ප්‍රදේශ මඳ වශයෙන් රළු ස්වභාවයක් ගත හැකි බවද සඳහන්ය.

ගිගුරුම් සහිත වැසි ඇතිවන අවස්ථාවලදී තාවකාලිකව තද සුළං හමා යා හැකි අතර, එම අවස්ථාවල මුහුදු ප්‍රදේශ ඉතා රළු විය හැකි බවටද අනතුරු අඟවා තිබේ.

 

Related Articles

Leave a Reply

Your email address will not be published. Required fields are marked *

Back to top button