උණුසුම් පුවත්

මහවැලි ගඟ ආශ්‍රිතව සුළු ගංවතුර අවදානමක් ගැන අනතුරු ඇඟවීමක්

මහවැලි ගඟ ආශ්‍රිතව සුළු ගංවතුර අවදානමක් පවතින බැවින් පහත්බිම් ප්‍රදේශවල ජනතාව විමසිලිමත්ව සිටින ලෙස වාරිමාර්ග දෙපාර්තමේන්තුව දැනුම් දෙයි.

මහවැලි ගඟ ද්‍රෝණියට අයත් පස්බාගේ කෝරලය ප්‍රාදේශීය ලේකම් කොට්ඨාසයේ මහවැලි ගඟ ආසන්න පහත්බිම් ප්‍රදේශවල මෙම තත්ත්වය ඇතිවීමේ අවදානමක් පවතින බව එම දෙපාර්තමේන්තුව සඳහන් කරයි.

මහවැලි ගඟේ ඉහළ ධාරා ප්‍රදේශයට පසුගිය පැය කිහිපය තුළ ඇදහැලුණු අධික වර්ෂාව හේතුවෙන් ගඟ අවට පහත්බිම්වලට සුළු ගංවතුර තත්ත්වයක් ඇතිවීමේ අවදානම මතුව තිබේ.

ඒ අනුව, අදාළ ප්‍රදේශවල පදිංචිකරුවන් මෙන්ම එම ප්‍රදේශ හරහා දිවෙන මාර්ග භාවිත කරන රියදුරන් ද මේ පිළිබඳව විශේෂ අවධානයකින් පසුවිය යුතු බව වාරිමාර්ග දෙපාර්තමේන්තුව ඉල්ලා සිටියි.

එමෙන්ම, මහවැලි ගඟ ආසන්නයේ ජීවත් වන ජනතාවට ඇතිවිය හැකි ගංවතුර තත්ත්වයකින් ආරක්ෂා වීම සඳහා කල්තියා අවශ්‍ය ආරක්ෂිත පියවර ගන්නා ලෙස ද දැනුම් දී තිබේ.

මෙම අවදානම් තත්ත්වය සැලකිල්ලට ගනිමින් අවශ්‍ය ක්‍රියාමාර්ග ගන්නා ලෙස ආපදා කළමනාකරණ අංශ වෙත ද වාරිමාර්ග දෙපාර්තමේන්තුව ඉල්ලීමක් කර ඇත.

මහවැලි ගඟ ආශ්‍රිතව සුළු ගංවතුර අවදානමක් – පහත්බිම් ජනතාවට දැනුම්දීමක්

මහවැලි ගඟ ආශ්‍රිතව සුළු ගංවතුර අවදානමක්

Related Articles

Leave a Reply

Your email address will not be published. Required fields are marked *

Back to top button