
ප්රධාන පුවත්
අවුරුදු සමයේ මාරක රිය අනතුරු 36ක් – ගැටුම් 35ක් වාර්තා වෙයි
සිංහල හා හින්දු අලුත් අවුරුදු සමය අතරතුර දින දෙකක් තුළ කොළඹ ජාතික රෝහලට මාරක රිය අනතුරු 36ක් වාර්තා වී තිබේ.
එම අනතුරුවල ප්රතිඵලයක් ලෙස පුද්ගලයින් දෙදෙනෙකු ජීවිතක්ෂයට පත්ව ඇති බව වාර්තා වේ.
විස්තර අනුව, අප්රේල් 13 වන දින රිය අනතුරු 19ක් වාර්තා වී ඇති අතර, අවුරුදු දිනය වූ අප්රේල් 14 වන දින එම සංඛ්යාව 17ක් ලෙස සටහන් වී ඇත.
මෙම කාලය තුළ ගැටුම් සිද්ධීන්ද සැලකිය යුතු ලෙස ඉහළ ගොස් ඇති අතර, මුළු ගැටුම් සංඛ්යාව 35ක් ලෙස වාර්තා වේ. ඒ අතරින් 13 වන දින ගැටුම් 14ක් ද, ඊයේ සහ අද පෙරවරුව වන විට ගැටුම් 21ක් ද වාර්තා වී ඇති බව සඳහන් වේ.
අවුරුදු සමයේ ආරක්ෂාව පිළිබඳ වැඩි අවධානයක් යොමු කිරීමේ අවශ්යතාව මෙම සංඛ්යාන හරහා තවදුරටත් අවධාරණය වේ.



