ප්‍රධාන පුවත්

දින 7කදී රිය අනතුරු මරණ 49ක් – ප්‍රධාන හේතුව මත්ද්‍රව්‍ය භාවිතයෙන් රිය පැදවීම

රථවාහන අනතුරු සංඛ්‍යාව ඉහළ යාම රටක් ලෙස අප මුහුණ දෙන බරපතළ සමාජ ගැටලුවක් බවට පත්වෙමින් පවතී. නීති කඩ කිරීම සහ නොසැලකිලිමත් රිය ධාවනය පමණක් නොව, මත්ද්‍රව්‍ය භාවිතයෙන් පසු රිය පැදවීම වැනි ක්‍රියා මඟින් අහිමි වන්නේ අහිංසක ජීවිතයන්ය. 

අප්‍රේල් 04 සිට 10 වනදා දක්වා වූ පසුගිය සතිය තුළ රිය අනතුරු හේතුවෙන් පුද්ගලයින් 49 දෙනෙකු ජීවිතක්ෂයට පත්ව ඇති බව අනාවරණය වී තිබේ.

ප්‍රවාහන, මහාමාර්ග හා නාගරික සංවර්ධන අමාත්‍ය බිමල් රත්නායක මහතා සඳහන් කළේ, එම අනතුරු වලින් වැඩි ප්‍රමාණයක් සිදුව ඇත්තේ මත්ද්‍රව්‍ය භාවිත කර රිය ධාවනය කිරීම හේතුවෙන් බවයි.

කොළඹ පැවැති මාධ්‍ය හමුවකට එක්වෙමින් අමාත්‍යවරයා මේ බව ප්‍රකාශ කළ අතර, අනතුරුදායක ලෙස රථවාහන ධාවනය කරන රියදුරන් පිළිබඳ පොලිසිය දැනුවත් කිරීම සඳහා මහජනතාවගේ සහය අවශ්‍ය බවද අවධාරණය කළේය.

තවද, මාර්ග ආරක්ෂාව තහවුරු කිරීම සඳහා නීති ක්‍රියාත්මක කිරීමත් සමඟ ජනතා සහභාගීත්වයද අත්‍යවශ්‍ය බව ඔහු වැඩිදුරටත් පෙන්වා දී ඇත.

ආරක්ෂිත රිය පැදවීම සෑම පුරවැසියෙකුගේම වගකීමක් වන අතර, එය අනුගමනය කිරීමෙන්ම මෙම අවාසනාවන්ත තත්ත්වය අවම කරගත හැකිවේ.

Related Articles

Leave a Reply

Your email address will not be published. Required fields are marked *

Back to top button