යුද්ධ සහ ගැටුම්

ඉරානයට ප්‍රබලම ප්‍රහාර එල්ල වන දිනය අද – අමෙරිකානු ආරක්ෂක ලේකම් පීට් හෙග්සෙත් කියයි

අමෙරිකාව සහ ඊශ්‍රායලය එක්ව ඉරානයට එරෙහිව දියත් කර ඇති හමුදා මෙහෙයුමේ මෙතෙක් සිදුකෙරෙන ප්‍රබලතම ප්‍රහාරක දිනය අද (10) වනු ඇති බව අමෙරිකානු ආරක්ෂක ලේකම් පීට් හෙග්සෙත් පවසයි.

පෙන්ටගනයේ පැවති මාධ්‍ය හමුවකදී අදහස් දක්වමින් ඔහු සඳහන් කළේ, ඉරාන පාලකයින් ලෝකයට තර්ජනයක් වන අයුරින් න්‍යෂ්ටික අවි සංවර්ධනය කිරීමට උත්සාහ කරන බවට චෝදනා පවතින බවයි.

එමෙන්ම පසුගිය පැය 24 තුළ ඉරානය විසින් එල්ල කළ මිසයිල ප්‍රහාර සංඛ්‍යාව පෙර දිනවලට සාපේක්ෂව සැලකිය යුතු ලෙස අඩුවී ඇති බවද හෙග්සෙත් ප්‍රකාශ කළේය. ඔහුගේ අනුව ඉරාන නායකත්වය මේ වනවිට දැඩි පීඩනයකට ලක්ව ඇති බවත් පැවසේ.

“වසර 47ක් පුරා ඔවුන් අපගේ ජනතාවට හානිකර ක්‍රියා සිදු කළා. දැන් ඔවුන් උත්සාහ කරන්නේ න්‍යෂ්ටික අවි නිපදවා ලෝකයම තර්ජනය කිරීමයි,” යනුවෙන්ද ඔහු වැඩිදුරටත් සඳහන් කළේය.

මෙම මාධ්‍ය හමුවට එක්වූ අමෙරිකානු ඒකාබද්ධ මාණ්ඩලික ප්‍රධානී ජෙනරාල් ඩෑන් කේන් පැවසුවේ, අමෙරිකානු සහ ඊශ්‍රායල ඒකාබද්ධ ප්‍රහාර හේතුවෙන් ඉරානය විසින් ඊශ්‍රායලය සහ ගල්ෆ් කලාපයට එල්ල කරන මිසයිල ප්‍රහාර සుమාරු 90% කින් අඩුවී ඇති බවයි.

එමෙන්ම මේ වනවිට ඉරානය තුළ ඉලක්ක 5,000 කට වැඩි ප්‍රමාණයක් වෙත ප්‍රහාර එල්ල කර ඇති අතර, එම ක්‍රියාමාර්ග හේතුවෙන් ඉරාන නාවික හමුදාවේ ශක්තියද ක්‍රමයෙන් දුර්වල වෙමින් පවතින බව ඔහු වැඩිදුරටත් සඳහන් කළේය.

 

Related Articles

Leave a Reply

Your email address will not be published. Required fields are marked *

Back to top button