ප්‍රධාන පුවත්

සංචාරක ආදායම 11.9%කින් පහළට

මෙම වසරේ මුල් මාස පහ තුළ ශ්‍රී ලංකාවේ සංචාරක කර්මාන්තයෙන් ලැබුණු ආදායම පසුගිය වසරේ එම කාලයට සාපේක්ෂව 11.9%කින් අඩුවී ඇති බව ශ්‍රී ලංකා මහ බැංකුවේ නවතම දත්තවලින් අනාවරණය වී තිබේ.

මහ බැංකු වාර්තාවට අනුව, 2026 ජනවාරි සිට මැයි දක්වා කාලසීමාවේදී සංචාරක ඉපැයීම් ලෙස අමෙරිකානු ඩොලර් මිලියන 1,360ක ආදායමක් මෙරටට ලැබී ඇත.

එය 2025 වසරේ එම කාලසීමාවේ වාර්තා වූ අමෙරිකානු ඩොලර් මිලියන 1,543.1ක සංචාරක ආදායම සමඟ සැසඳීමේදී සැලකිය යුතු පහළ යාමක් ලෙස දැක්වේ.

එමෙන්ම, 2026 මැයි මාසයේදී සංචාරක ක්ෂේත්‍රයෙන් ලැබුණු ආදායම අමෙරිකානු ඩොලර් මිලියන 155.7ක් ලෙස සටහන්ව ඇති අතර, 2025 මැයි මාසයේදී එම අගය ඩොලර් මිලියන 164.1ක් විය.

කෙසේ වෙතත්, විදේශ ප්‍රේෂණ ආදායම සම්බන්ධයෙන් වර්ධනයක් පෙන්නුම් කර ඇති බවද මහ බැංකුව සඳහන් කරයි.

ඒ අනුව, 2026 ජනවාරි සිට මැයි දක්වා කාලය තුළ විදේශගත ශ්‍රී ලාංකිකයන්ගෙන් මෙරටට ලැබුණු ප්‍රේෂණ ප්‍රමාණය අමෙරිකානු ඩොලර් මිලියන 3,909.7ක් ලෙස වාර්තා වී ඇත.

පසුගිය වසරේ එම කාලසීමාවේදී මෙම අගය අමෙරිකානු ඩොලර් මිලියන 3,102.2ක් වූ අතර, ඒ අනුව විදේශ ප්‍රේෂණවල කැපී පෙනෙන වර්ධනයක් දක්නට ලැබේ.

 

Related Articles

Leave a Reply

Your email address will not be published. Required fields are marked *

Back to top button