
බොරතෙල් මිල ඩොලර් 100 සීමාව ඉක්මවයි
මැදපෙරදිග කලාපයේ පවතින ගැටුම්කාරී තත්ත්වය තවදුරටත් උත්සන්න වීමත් සමඟ ලෝක වෙළෙඳපොළේ බොරතෙල් මිල සැලකිය යුතු ලෙස ඉහළ ගොස් තිබේ.
ඒ අනුව, බ්රෙන්ට් බොරතෙල් බැරලයක මිල අද (09) ඩොලර් 100 සීමාව පසුකරමින් ඩොලර් 100.07ක් දක්වා ඉහළ ගොස් ඇත.
බ්රෙන්ට් මිල ඉහළට
බ්රෙන්ට් බොරතෙල් බැරලයක මිල ඩොලර් 2.15කින් හෙවත් 2.2%කින් ඉහළ යාමත් සමඟ මෙම අගය වාර්තා වී තිබේ.
මෙය පසුගිය ජූලි 24 වැනිදායින් පසු බ්රෙන්ට් බොරතෙල් සඳහා වාර්තා වූ ඉහළම මිල ලෙස සැලකේ.
WTI මිලත් ඉහළ යයි
මේ අතර, ඇමෙරිකානු වෙස්ට් ටෙක්සාස් ඉන්ටර්මීඩියේට් (WTI) බොරතෙල් බැරලයක මිල ද ඉහළ ගොස් තිබේ.
එහි මිල ඩොලර් 1.70කින් හෙවත් 1.83%කින් වැඩි වී ඩොලර් 94.73ක් දක්වා ඉහළ ගොස් ඇත.
මැදපෙරදිග තත්ත්වය බලපායි
මැදපෙරදිග ගැටුම් හේතුවෙන් කලාපයෙන් සිදුවන තෙල් සැපයුම සම්බන්ධයෙන් මතුව ඇති අවිනිශ්චිතතාව බොරතෙල් මිල ඉහළ යාමට ප්රධාන හේතුවක් වී තිබේ.
පසුගිය මාසයේ මුල් භාගයේ සිට මේ දක්වා බ්රෙන්ට් බොරතෙල් මිල ආසන්න වශයෙන් 25%කින් ඉහළ ගොස් ඇති බව සඳහන් වේ.
එමෙන්ම, මාස හයක් පුරා පවතින අමෙරිකානු-ඉරාන ගැටුම සඳහා ස්ථිර විසඳුමක් ලබාගැනීම පිළිබඳව පැවති අපේක්ෂා ද මේ වනවිට ක්රමයෙන් අඩුවෙමින් පවතින බව වාර්තා වේ.



