
ඉදිරි පැය 36 සඳහා කාලගුණ අනාවැකිය – ප්රදේශ රැසකට තද වැසි සහ තද සුළං
ඉදිරි පැය 36 සඳහා කාලගුණ අනාවැකිය – ප්රදේශ රැසකට තද වැසි
ඉදිරි පැය 36 තුළ බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව නිවේදනය කර තිබේ.
සබරගමුව පළාතේ සහ මහනුවර හා නුවරඑළිය දිස්ත්රික්කවල ඇතැම් ස්ථානවලට මිලිමීටර් 100 ඉක්මවන තද වැසි ලැබීමේ හැකියාව පවතින බවද එම නිවේදනයේ දැක්වේ.
උතුරු-මැද පළාතේ වැසි වාර කිහිපයක් ඇතිවන අතර, ඌව සහ නැගෙනහිර පළාත්වල මෙන්ම මුලතිව් දිස්ත්රික්කයේ පස්වරු 2.00ට පසු තැනින් තැන ගිගුරුම් සහිත වැසි අපේක්ෂා කෙරේ.
එමෙන්ම උතුරු-මැද, සබරගමුව, දකුණු, මධ්යම සහ වයඹ පළාත්වලට අමතරව ත්රිකුණාමලය දිස්ත්රික්කයේද විටින් විට පැයට කිලෝමීටර් 40ත් 50ත් අතර වේගයෙන් තද සුළං හමා යා හැකි බව සඳහන් වෙයි.
ගිගුරුම් සහිත වැසි සමඟ ඇතිවිය හැකි අකුණු සහ තාවකාලික තද සුළං හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.



