
අද පස්වරුවේ ප්රදේශ රැසකට වැසි සහ තද සුළං
දිවයිනේ ප්රදේශ කිහිපයකට අද (01) පස්වරුවේ වැසි තත්ත්වයන් ඇතිවිය හැකි බව කාලගුණ විද්යා දෙපාර්තමේන්තුව නිවේදනය කර තිබේ.
ඒ අනුව බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල විටින් විට වැසි ඇතිවීමේ හැකියාව පවතී.
තවද ඌව පළාතේ සහ අම්පාර හා මඩකලපුව දිස්ත්රික්කවල ස්ථාන කිහිපයකට පස්වරු 1.00ට පසු වැසි හෝ ගිගුරුම් සහිත වැසි ඇති විය හැකි බව සඳහන් වේ.
මේ අතර මධ්යම කඳුකරයේ බටහිර බෑවුම් ප්රදේශ, උතුරු, උතුරුමැද, වයඹ සහ දකුණු පළාත් මෙන්ම ත්රිකුණාමලය දිස්ත්රික්කයේ ද පැයට කිලෝමීටර් 30ත් 40ත් අතර වේගයකින් තරමක තද සුළං හමා යා හැකි බව ද කාලගුණ විද්යා දෙපාර්තමේන්තුව පවසයි.
ගිගුරුම් සහිත වැසි සමඟ ඇතිවිය හැකි අකුණු හා හදිසි තද සුළං හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස ජනතාවට දැනුම් දී ඇත.



