
අදත් ප්රදේශ රැසකට මි.මී. 75ට වැඩි වැසි
අද (26) දිනයේත් දිවයිනේ ප්රදේශ කිහිපයකට මි.මී. 75ට වැඩි වැසි ඇතිවිය හැකි බව කාලගුණවිද්යා දෙපාර්තමේන්තුව පවසයි.
ඒ අනුව බස්නාහිර, සබරගමුව සහ වයඹ පළාත්වලටත් මහනුවර, නුවරඑළිය, ගාල්ල සහ මාතර දිස්ත්රික්කවලටත් විටින් විට වැසි ඇතිවිය හැකිය.
එම ප්රදේශවල ඇතැම් ස්ථානවලට මි.මී. 75 ඉක්මවූ තරමක තද වැසි ඇතිවීමේ හැකියාව පවතී.
අනුරාධපුර, මාතලේ සහ හම්බන්තොට දිස්ත්රික්කවල ස්ථාන කිහිපයකට වැසි ස්වල්පයක් ඇතිවිය හැකි අතර, අම්පාර, මොනරාගල සහ මඩකලපුව දිස්ත්රික්කවල ස්ථාන කිහිපයකට පස්වරු 2.00න් පසුව වැසි හෝ ගිගුරුම් සහිත වැසි ඇතිවිය හැකි බව සඳහන් වේ.
මේ අතර දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතිනු ඇතැයි කාලගුණවිද්යා දෙපාර්තමේන්තුව වැඩිදුරටත් පවසයි.
මධ්යම කඳුකරයේ බටහිර බෑවුම් ප්රදේශවලට මෙන්ම උතුරු, උතුරු-මැද සහ වයඹ පළාත්වලත් ත්රිකුණාමලය, මොනරාගල, හම්බන්තොට සහ මාතලේ දිස්ත්රික්කවලත් විටින් විට පැයට කිලෝමීටර් 40ත් 50ත් අතර වේගයකින් තරමක් තද සුළං ඇතිවිය හැකිය.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.



