
අදත් ප්රදේශ රැසකට තද වැසි අනතුරු ඇඟවීම්
අද දිනයේදී දිවයිනේ ප්රදේශ කිහිපයකට විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව නිවේදනය කර තිබේ.
ඒ අනුව බස්නාහිර, සබරගමුව සහ වයඹ පළාත්වලටත් ගාල්ල, මාතර, මහනුවර සහ නුවරඑළිය දිස්ත්රික්කවලටත් වැසි තත්ත්වය වැඩි වශයෙන් බලපානු ඇතැයි සඳහන්ය.
විශේෂයෙන් බස්නාහිර සහ සබරගමුව පළාත්වලට මෙන්ම ගාල්ල සහ මාතර දිස්ත්රික්කවල ඇතැම් ස්ථානවලට මිලිමීටර් 100ක පමණ තද වැසි ඇතිවීමේ හැකියාවක් පවතින බවද එම දෙපාර්තමේන්තුව පෙන්වා දෙයි.
අනුරාධපුර දිස්ත්රික්කයේ ස්වල්ප වැසි ඇතිවිය හැකි අතර, ඌව පළාත සමඟ අම්පාර සහ මඩකලපුව දිස්ත්රික්කවල පස්වරු 1.00ට පසු වැසි හෝ ගිගුරුම් සහිත වැසි ඇතිවිය හැකි බව සඳහන් වේ.
මධ්යම කඳුකරයේ බටහිර බෑවුම් ප්රදේශ, උතුරු, උතුරුමැද, වයඹ සහ දකුණු පළාත් මෙන්ම ත්රිකුණාමලය දිස්ත්රික්කය තුළද පැයට කිලෝමීටර් 30ත් 40ත් අතර තරමක තද සුළං ඇතිවිය හැකි බවද නිවේදනය කර ඇත.
ගිගුරුම් සහිත වැසි සමඟ ඇතිවිය හැකි අකුණු සහ තාවකාලික තද සුළං හේතුවෙන් අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කරයි.



