ප්‍රධාන පුවත්

ලෙබනනය–ඊශ්‍රායලය දශක 30කට පසු සාකච්ඡා: වොෂින්ටනයේ ඓතිහාසික හමුවක්

දශක තුනකට වැඩි කාලයක් පුරා විරාමයකින් පසුව, ලෙබනනය සහ ඊශ්‍රායලය අතර පළමු රාජ්‍ය තාන්ත්‍රික සාකච්ඡා ඊයේ (14) අමෙරිකාවේ වොෂින්ටන් ඩී.සී. නගරයේදී පැවැත්වුණි.

මෙම සාකච්ඡා සඳහා මැදිහත් වූ අමෙරිකානු රාජ්‍ය ලේකම් මාර්කෝ රූබියෝ ප්‍රකාශ කර ඇත්තේ, හිස්බුල්ලා සංවිධානයේ බලපෑම අවසන් කිරීමට මෙය ඉතා වැදගත් සහ ඓතිහාසික අවස්ථාවක් බවයි.

ලෙබනනය සහ ඊශ්‍රායලය අතර රාජ්‍ය තාන්ත්‍රික සබඳතා අවසන් වරට පැවැත්වූයේ 1993 වසරේදීය. එතැන් සිට මෙම දෙරට අතර සෘජු සංවාදයක් නොපැවැත්වීම විශේෂ කරුණකි.

මෙම හමුව සිදුවන්නේ, අමෙරිකාව විසින් ඉරානයට එරෙහි ප්‍රහාර ආරම්භ කිරීමෙන් පසු කලාපයේ ආරක්ෂක තත්ත්වය තවත් උණුසුම් වීමත් සමඟය. එම පසුබිම යටතේ ඊශ්‍රායලය සහ ලෙබනනය අතර නැවතත් ගැටුම් උද්ගත වී තිබේ.

ඒ අනුව සිදුවූ ප්‍රහාර හේතුවෙන් පුද්ගලයින් 2,000කට අධික පිරිසක් ජීවිතක්ෂයට පත්ව ඇති අතර, තවත් 6,500කට ආසන්න පිරිසක් තුවාල ලබා ඇති බව වාර්තා වේ.

මෙම නව සංවාද ක්‍රියාවලිය මඟින් කලාපයේ ආරක්ෂාව සහ ස්ථාවරතාවය ඉදිරියට ගෙන යාමට හැකිවනු ඇතිද යන්න පිළිබඳව ජාත්‍යන්තර අවධානය යොමුව තිබේ.

Related Articles

Leave a Reply

Your email address will not be published. Required fields are marked *

Back to top button