
ප්රදේශ කිහිපයකට මි.මී. 50 ඉක්මවූ වැසි
ප්රදේශ කිහිපයකට මි.මී. 50 ඉක්මවූ වැසි
බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල විටින් විට වැසි ඇතිවිය හැකි බව කාලගුණවිද්යා දෙපාර්තමේන්තුව පවසයි. ඇතැම් ප්රදේශවලට මි.මී. 50 ඉක්මවූ තද වැසි අපේක්ෂා කෙරේ.
අම්පාර, මොනරාගල, හම්බන්තොට සහ මඩකලපුව දිස්ත්රික්කවල ස්ථාන කිහිපයකට පස්වරු 2.00න් පසුව වැසි හෝ ගිගුරුම් සහිත වැසි ඇතිවිය හැකිය. කෙසේ වෙතත්, දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතිනු ඇත.
මධ්යම කඳුකරයේ බටහිර බෑවුම්, උතුරු, උතුරු-මැද සහ වයඹ පළාත්වල මෙන්ම ත්රිකුණාමලය, මොනරාගල, හම්බන්තොට සහ මාතලේ දිස්ත්රික්කවල පැයට කිලෝමීටර් 40-50ක පමණ තද සුළං විටින් විට ඇතිවිය හැකිය.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.



