
සබරගමුවට තද වැසි | මහනුවර සහ නුවරඑළියට මි.මී. 75ට වැඩි වැසි
මධ්යමට සහ සබරගමුවට තද වැසි අනතුරු ඇඟවීම
බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල හා මාතර දිස්ත්රික්කවල අද දිනය පුරා විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව පවසයි.
විශේෂයෙන් සබරගමුව පළාතේ සහ මහනුවර හා නුවරඑළිය දිස්ත්රික්කවල ඇතැම් ස්ථානවලට මිලිමීටර් 75 ඉක්මවන තද වැසි ඇතිවීමේ හැකියාවක් පවතින බව එම දෙපාර්තමේන්තුව නිවේදනය කර ඇත.
උතුරු මැද පළාතේ වැසි වාර කිහිපයක් අපේක්ෂා කරන අතර, ඌව හා නැගෙනහිර පළාත්වල සහ මුලතිව් දිස්ත්රික්කයේ පස්වරු 2.00 න් පසු තැනින් තැන වැසි හෝ ගිගුරුම් සහිත වැසි ඇතිවිය හැකිය.
එමෙන්ම උතුරු මැද, සබරගමුව, දකුණු, මධ්යම සහ වයඹ පළාත්වල මෙන්ම ත්රිකුණාමලය දිස්ත්රික්කයේ විටින් විට පැයට කිලෝමීටර් 40 සිට 50 දක්වා තද සුළං ද ඇතිවිය හැකි බව සඳහන් වේ.
ගිගුරුම් සහිත වැසි සමඟ ඇතිවිය හැකි අකුණු සහ තාවකාලික තද සුළං හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.



