ව්‍යාපාරික

රුපියලේ පහළ යාම අර්බුදයක් නොවේ – අනිල් ජයන්ත

ඩොලරයට සාපේක්ෂව ශ්‍රී ලංකා රුපියලේ අගය පහළ යාම ආර්ථික බිඳවැටීමක හෝ අර්බුදයක ලක්ෂණයක් නොවන බව මුදල් හා ක්‍රමසම්පාදන නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතා අවධාරණය කරයි.

මාධ්‍ය වෙත අදහස් දක්වමින් ඔහු සඳහන් කළේ මැද පෙරදිග පවතින යුදමය තත්ත්වය හේතුවෙන් ශ්‍රී ලංකා ආර්ථිකයට යම් කම්පනයක් ඇති වී තිබුණද, ඒ සඳහා අවශ්‍ය ප්‍රතිපත්තිමය ක්‍රියාමාර්ග මේ වනවිටත් ක්‍රියාත්මක කරමින් සිටින බවයි.

වෙළඳපොළ තුළ ඇතිවන බිය සහ සමපේක්ෂණ චේතනා හේතුවෙන් විනිමය අනුපාතයේ තාවකාලික වෙනස්කම් සිදුවිය හැකි නමුත් තත්ත්වය ක්‍රමිකව ස්ථාවර වනු ඇති බව ද ඔහු පෙන්වා දුන්නේය.

එහිදී වැඩිදුරටත් අදහස් දැක්වූ මුදල් සහ ක්‍රමසම්පාදන නියෝජ්‍ය අමාත්‍ය ආචාර්යය අනිල් ජයන්ත ප්‍රනාන්දු මහතා,

“මැදපෙරදිග යුදමය තත්ත්වය හේතුවෙන් ශ්‍රී ලංකා ආර්ථිකයට යම් කම්පනයක් ඇතිවී ඇති බව සැබෑව. ඒ කම්පනයට අපි ගන්න ඕන ක්‍රියාමාර්ග, නිසි පරිදි ප්‍රතිපත්තිමය තීන්දු ගනිමින් අපි කටයුතු කරමින් ඉන්නවා. මේ ඇතුළේ කිසිදු ආර්ථික අර්බුදයක් නැහැ. කෙසේ වෙතත්, එකවර මෙවැනි කම්පනයක් ඇතිවෙනකොට හා වෙළඳපොළේ අර අපි සමපේක්ෂණ චේතනාවක්, බියක් හදපුවාම ඉල්ලුම සැපයුම එකවරම සාමාන්‍ය තත්ත්වයට පත්වෙන්නේ නැහැ. පුංචි ඉහළ පහළ යාම් තියෙන්න පුළුවන්. එතකොට ඩොලරයට රුපියල් 350 ඉක්මවලා ගිය අනුපාතිකය ක්‍රමිකව 330 ට වගේ ආවා, ඒ ක්‍රියාමාර්ගත් එක්ක. ආයෙත් පහුගිය දවස් දෙක ඇතුළතද, ඊයේ නැවතත් පුංචි වැඩිවීමක් සිද්ධ වෙලා තියෙනවා. මේකෙන් යෝජනා කරන්නේ, මේ තත්ත්වය ක්‍රමිකව සමතයකට පත්වෙනවා. මේ සඳහා කිසිදු ආකාරයකට කලබල ඇති කරගන්න එපා. මෙය වෙළඳපොළේ ඇතිවෙච්ච යම් සුවිශේෂී තත්ත්වයක් මිසක්, කිසිදු ආකාරයක ආර්ථිකයේ බිඳවැටීමක්වත්, බාහිර අංශයේ ගැටලුකාරී තත්ත්වයක්වත් නෙමෙයි.”

මේ අතර, අමෙරිකා එක්සත් ජනපදය විසින් රටවල් කිහිපයක සැපයුම් ජාල සම්බන්ධයෙන් සිදුකරන පරීක්ෂණ හා යෝජිත 12.5%ක තීරු බද්ද පිළිබඳවද නියෝජ්‍ය අමාත්‍යවරයා පැහැදිලි කිරීමක් සිදු කළේය.

ඒ සම්බන්ධයෙන් ඔහු මෙසේ ප්‍රකාශ කළේය.

“අමෙරිකා එක්සත් ජනපදය මෑතකදී ඔවුන් ප්‍රකාශයක් නිකුත් කරා වාර්තාවක්, ශ්‍රී ලංකාවත් ඇතුළුව විශේෂයෙන් රටවල් 60කට ඒගොල්ලන්ගේ මූලික ඉන්වෙස්ටිගේෂන්ස් (investigations) වලදි පේනවා, ඒ සැපයුම් ජාලයට සම්බන්ධ වෙන රටවල්වලින් බලහත්කාරයෙන්, ඒ කියන්නේ ෆෝස්ඩ් ලේබර් (forced labor) තියෙනවාය කියන මූලික තොරතුරු මත ඒ පරීක්ෂණ අවසාන වෙනකන් යෝජනා කරලා තියෙනවා සීයට 12.5ක්. නමුත් ඒ කාලපරිච්ඡේදය ඇතුළේ අපිට පුළුවන් වෙන්නට ඕනේ අපි ඒ සැපයුම් ජාලය ඇතුළට ෆෝස්ඩ් ලේබර් (forced labor) තියෙන ඒවා ගෙනෙන්නේ නැහැ, ඒ ගෙනෙනවා නම් අපේ නීතිරීති පද්ධතිය ඇතුළේ කොහොමද ඒක වළක්වා ගන්නේ, ඒ පිළිබඳ සාකච්ඡාව තියෙනවා. විශේෂයෙන්ම අපි වෙළඳ අමාත්‍යාංශයේ ලේකම්වරයාගේ ප්‍රධානත්වයෙන් කමිටුවක් මේ සඳහා පත් කරලා තියෙනවා. ඒ කමිටුවට අදාළ කැබිනට් අනුමැතිය ලබා දීලා අපි සාකච්ඡා වෙමින් තිබෙනවා. ඉතින් ඒ අතරේ තමයි මේ වාර්තාව වෙන්නේ. ගිය සිකුරාදාත් මේ රැස්වීම පැවැත්වුවා. ලබන සඳුදා සහ අඟහරුවාදත් ඉදිරියටත් මේ සාකච්ඡා පවත්වමින් තියෙනවා. එතකොට අපිට තියෙන තොරතුරු මත අපේ නීතිරීති පද්ධතියත්, ඒ ක්‍රියාමාර්ග ඇතුළෙත් දැඩි විශ්වාසයක් තියෙනවා, අපි නිසි ක්‍රමවේදය අනුගමනය කරනවා. අපේ සැපයුම් ජාලයට කිසිදු ආකාරයකට මේ බලහත්කාර ශ්‍රමය එන්න දෙන්නේ නැහැ, එන්නේ නැති විදිහට කටයුතු කරනවා. ඒ තොරතුරු අපි ඇමරිකානු එක්සත් ජනපදයේ අදාළ පරීක්ෂණ කරන කණ්ඩායම්වලට ලබාදීමෙන් මේක ඉවත් කරගන්න පුළුවන් වෙයි.”

 

Related Articles

Leave a Reply

Your email address will not be published. Required fields are marked *

Back to top button