
කාලගුණය
ප්රබල අකුණු ගැන අවවාදාත්මක නිවේදනයක්
ප්රබල අකුණු ඇතිවීමේ වැඩි අවදානමක් පවතින ප්රදේශ සම්බන්ධයෙන් කාලගුණවිද්යා දෙපාර්තමේන්තුව විසින් අවවාදාත්මක නිවේදනයක් නිකුත් කර තිබේ.
අද (05) පෙරවරු 11.00ට නිකුත් කළ මෙම නිවේදනය හෙට (06) අලුයම 1.00 දක්වා බලපැවැත්වෙන බව එම දෙපාර්තමේන්තුව සඳහන් කරයි.
ඒ අනුව වයඹ, මධ්යම, සබරගමුව, ඌව, බස්නාහිර, දකුණ සහ උතුරු මැද පළාත්වලට මෙන්ම මන්නාරම දිස්ත්රික්කයටද සවස් හෝ රාත්රී කාලයේදී තැනින් තැන ගිගුරුම් සහිත වැසි සමඟ ප්රබල අකුණු ඇතිවීමේ වැඩි හැකියාවක් පවතී.
ගිගුරුම් සහිත වැසි ඇතිවන අවස්ථාවලදී එම ප්රදේශවල තාවකාලිකව තද සුළං ඇතිවිය හැකි බවද කාලගුණවිද්යා දෙපාර්තමේන්තුව පවසයි.
අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙස ජනතාවගෙන් ඉල්ලා සිටී.




