
අද හවස ප්රදේශ රැසකට තද වැසි අනතුරු ඇඟවීමක්
අද (02) පස්වරුවේ සිට දිවයිනේ නිරිතදිග ප්රදේශවල වැසි තත්ත්වය තවදුරටත් සක්රීය විය හැකි බව කාලගුණවිද්යා දෙපාර්තමේන්තුව පවසයි.
ඒ අනුව බස්නාහිර, සබරගමුව සහ වයඹ පළාත්වලට අමතරව ගාල්ල, මාතර, මහනුවර හා නුවරඑළිය දිස්ත්රික්කවල විටින් විට වැසි ඇතිවිය හැකි අතර ඇතැම් ප්රදේශවලට මිලිමීටර් 75 ඉක්මවන තද වැසි ද අපේක්ෂා කෙරේ.
එමෙන්ම ඌව පළාතේ මෙන්ම අම්පාර සහ මඩකලපුව දිස්ත්රික්කවල ස්ථාන කිහිපයක පස්වරු 1.00ට පසු වැසි හෝ ගිගුරුම් සහිත වැසි ඇතිවීමේ හැකියාව පවතින බව සඳහන් වේ.
මධ්යම කඳුකරයේ බටහිර බෑවුම් ප්රදේශ, උතුරු, උතුරු-මැද, වයඹ සහ දකුණු පළාත් මෙන්ම ත්රිකුණාමලය දිස්ත්රික්කයේ ද පැයට කිලෝමීටර් 30ත් 40ත් අතර වේගයක තරමක තද සුළං හමා යා හැකිය.
ගිගුරුම් සහිත වැසි සමඟ ඇතිවිය හැකි අකුණු හා හදිසි තද සුළං හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත ක්රියාමාර්ග අනුගමනය කරන ලෙස කාලගුණවිද්යා දෙපාර්තමේන්තුව ජනතාවට දැනුම් දෙයි.



