
තද වැසි පිළිබඳ අවවාදාත්මක නිවේදනයක් – ප්රදේශ කිහිපයකට මි.මී. 100 ඉක්මවූ වැසි
තද වැසි පිළිබඳ අවවාදාත්මක නිවේදනයක් බස්නාහිර, සබරගමුව, මධ්යම, දකුණ සහ ඌව පළාත්වලට මෙන්ම අම්පාර සහ මඩකලපුව දිස්ත්රික්ක සඳහා කාලගුණවිද්යා දෙපාර්තමේන්තුව විසින් නිකුත් කර තිබේ.
ශ්රී ලංකාව ආසන්න පහළ වායුගෝලයේ පවතින කැලඹිලි ස්වභාවය හේතුවෙන් මෙම ප්රදේශවල අහස වලාකුළින් බරව පවතින අතර, විටින් විට වැසි හෝ ගිගුරුම් සහිත වැසි ඇතිවිය හැකිය. ඇතැම් ස්ථානවලට මි.මී. 100 ඉක්මවූ තද වැසි ඇතිවීමේ හැකියාවක්ද පවතී.
ඊයේ (14) පෙරවරු 8.30 සිට අද (15) අලුයම 3.00 දක්වා වාර්තා වූ වර්ෂාපතන අතරින් වැඩිම අගය ගම්පහ දිස්ත්රික්කයේ වස්ලතාලාරාමය, කිරිඳිවැල ප්රදේශයෙන් වාර්තා වී ඇති අතර එය මි.මී. 146.5කි.
මේ අතර, මීගමුව සිට කොළඹ, ගාල්ල, හම්බන්තොට සහ පොතුවිල් හරහා මඩකලපුව දක්වා වෙරළට ඔබ්බෙන් මුහුදු ප්රදේශවලද විටින් විට වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව සඳහන් කරයි.
දිවයින වටා සෙසු මුහුදු ප්රදේශවල සවස් කාලයේ හෝ රාත්රී කාලයේ ස්ථාන කිහිපයක වැසි හෝ ගිගුරුම් සහිත වැසි ඇතිවිය හැකිය. සාමාන්යයෙන් සුළං නිරිත දෙසින් හෝ නිශ්චිත දිශාවකින් තොරව පැයට කිලෝමීටර් 25-35ක පමණ වේගයකින් හමා එනු ඇත.
කොළඹ සිට ගාල්ල, මාතර සහ හම්බන්තොට හරහා පොතුවිල් දක්වා වෙරළට ඔබ්බෙන් මුහුදු ප්රදේශවල සුළං වේගය විටින් විට පැයට කිලෝමීටර් 50 දක්වා ඉහළ යා හැකි අතර, එම මුහුදු ප්රදේශ විටින් විට තරමක් රළු විය හැකිය.
ගිගුරුම් සහිත වැසි ඇතිවන අවස්ථාවලදී එම මුහුදු ප්රදේශවල තාවකාලිකව තද සුළං ඇතිවිය හැකි බැවින් මුහුද තාවකාලිකව ඉතා රළු වීමේ හැකියාවක්ද පවතී.



