
අද ප්රදේශ කිහිපයකට තරමක තද වැසි – මිලිමීටර් 75 දක්වා වැසි අපේක්ෂා
කාලගුණ විද්යා දෙපාර්තමේන්තුව පවසන්නේ අද (20) දිනයේ උතුරු, උතුරු-මැද, නැගෙනහිර, ඌව සහ මධ්යම පළාත්වල විටින් විට වැසි ඇතිවිය හැකි බවයි.
විශේෂයෙන් නැගෙනහිර පළාතට අයත් ප්රදේශවලට අමතරව මාතලේ, බදුල්ල, මුලතිව් සහ පොළොන්නරුව දිස්ත්රික්කවල ඇතැම් ස්ථානවලට මිලිමීටර් 75ක් පමණ තරමක තද වැසි අපේක්ෂා කෙරේ.
හම්බන්තොට දිස්ත්රික්කයේ වැසි වාර කිහිපයක් ඇතිවිය හැකි අතර, සෙසු ප්රදේශවල පස්වරු 1.00ට පසුව තැනින් තැන වැසි හෝ ගිගුරුම් සහිත වැසි ඇතිවිය හැකි බවත් සඳහන්ය.
ඒ සමඟ රත්නපුර, ගාල්ල, මාතර සහ නුවරඑළිය දිස්ත්රික්කවල ඇතැම් ස්ථානවලට මිලිමීටර් 50ට වැඩි තද වැසි ද ඇතිවිය හැකි බව අනාවරණය කර ඇත.
මධ්යම සහ සබරගමුව පළාත්වල මෙන්ම ගාල්ල සහ මාතර දිස්ත්රික්කවල ඇතැම් ප්රදේශවල අලුයම් කාලයේදී මීදුම් සහිත තත්ත්වයක් පවතිනු ඇතැයිද එම දෙපාර්තමේන්තුව සඳහන් කරයි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස ජනතාවගෙන් ඉල්ලීමක් ද කර ඇත.



