
කාලගුණය
අද කාලගුණය: ප්රදේශ රැසකට වැසි, තද සුළං අනතුරු ඇඟවීම්
අද (03) දිනයේ බස්නාහිර, සබරගමුව සහ වයඹ පළාත්වලටත්, ගාල්ල, මාතර, මහනුවර සහ නුවරඑළිය දිස්ත්රික්කවලටත් වැසි වාර කිහිපයක් අපේක්ෂා කරන බව කාලගුණ විද්යා දෙපාර්තමේන්තුව නිවේදනය කරයි.
එමෙන්ම අනුරාධපුර දිස්ත්රික්කයේ ද ස්ථාන කිහිපයකට සුළු වැසි ඇතිවීමේ හැකියාව පවතින බව එම දෙපාර්තමේන්තුව සඳහන් කර ඇත.
මේ අතර, මධ්යම කඳුකරයේ බටහිර බෑවුම් ප්රදේශ, උතුරු, උතුරු-මැද සහ වයඹ පළාත්වලටත්, හම්බන්තොට සහ ත්රිකුණාමලය දිස්ත්රික්කවලටත් විටින් විට පැයට කිලෝමීටර් 40 සිට 50 දක්වා වේගයකින් තද සුළං හමා යා හැකි බැවින් ජනතාව අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව දැනුම් දෙයි.



