
කාලගුණය
අද කාලගුණය : ප්රදේශ කිහිපයකට වැසි සහ තද සුළං අනතුරු ඇඟවීම
අද කාලගුණය පිළිබඳ කාලගුණ විද්යා දෙපාර්තමේන්තුව නිකුත් කළ නවතම නිවේදනයට අනුව, අද (16) දිනයේ බස්නාහිර, සබරගමුව සහ වයඹ පළාත්වල මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවල ස්ථාන කිහිපයක වැසි ස්වල්පයක් ඇති විය හැකිය.
එමෙන්ම දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතින බව දෙපාර්තමේන්තුව සඳහන් කරයි.
උතුරු, උතුරු-මැද සහ වයඹ පළාත්වලට අමතරව මාතලේ, හම්බන්තොට සහ ත්රිකුණාමලය දිස්ත්රික්කවල විටින් විට පැයට කිලෝමීටර් 40 සිට 50 දක්වා වේගයකින් තද සුළං හමන අවස්ථා ද ඇති විය හැකි බව ජනතාවට දැනුම් දී තිබේ.



