
අදත් සවස් කාලයේ ගිගුරුම් සහිත වැසි
සවස් කාලයේ ගිගුරුම් සහිත වැසි
අද දිනයේදී දිවයිනේ ප්රදේශ රැසකට වැසි සහිත කාලගුණ තත්ත්වයක් ඇතිවිය හැකි බව කාලගුණවිද්යා දෙපාර්තමේන්තුව පවසයි.
බස්නාහිර සහ සබරගමුව පළාත්වලට මෙන්ම ගාල්ල සහ මාතර දිස්ත්රික්කවලටද වැසි වාර කිහිපයක් ඇතිවීමට ඉඩ පවතී.
ඌව පළාතේත් මඩකලපුව, අම්පාර, පොළොන්නරුව, නුවරඑළිය සහ මාතලේ දිස්ත්රික්කවලත් පස්වරු 2.00න් පසුව තැනින් තැන වැසි හෝ ගිගුරුම් සහිත වැසි ඇතිවිය හැකි බව එම දෙපාර්තමේන්තුව සඳහන් කරයි.
අකුණු සහ තද සුළං ගැන අවධානයෙන්
ගිගුරුම් සහිත වැසි ඇතිවන අවස්ථාවලදී තාවකාලිකව තද සුළං ඇතිවිය හැකි බැවින් ජනතාව ඒ පිළිබඳ අවධානයෙන් පසුවිය යුතුය.
එමෙන්ම අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
මුහුදු ප්රදේශ කිහිපයකටත් වැසි
හලාවත සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වූ මුහුදු ප්රදේශවල තැනින් තැන වැසි ඇතිවිය හැකි බව කාලගුණ අනාවැකියේ සඳහන් වේ.
ත්රිකුණාමලය සිට මඩකලපුව හරහා පොතුවිල් දක්වා වෙරළට ඔබ්බෙන් වූ මුහුදු ප්රදේශවල සවස් හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකිය.



