
හෙට සිට වැසි තත්ත්වය තරමක වැඩිවෙයි
හෙට (28) සිට ඉදිරි දින කිහිපය තුළ දිවයිනේ නිරිත දිග ප්රදේශවල වැසි තත්ත්වය තරමක වැඩිවිය හැකි බව කාලගුණ විද්යා දෙපාර්තමේන්තුව නිවේදනය කර තිබේ.
අද (27) දිනයේදී බස්නාහිර, සබරගමුව සහ වයඹ පළාත්වලට මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවලට ද වැසි වාර කිහිපයක් ඇතිවිය හැකි බව එම දෙපාර්තමේන්තුව සඳහන් කළේය.
ඌව පළාතේ සහ මඩකළපුව හා අම්පාර දිස්ත්රික්කවල ස්ථාන කිහිපයක පස්වරු 2.00ට පසු වැසි හෝ ගිගුරුම් සහිත වැසි ඇතිවීමේ හැකියාවක් පවතින අතර, සෙසු ප්රදේශවල ප්රධාන වශයෙන් වියළි කාලගුණයක් අපේක්ෂා කෙරේ.
එමෙන්ම මධ්යම කඳුකරයේ බටහිර බෑවුම්, උතුරු හා උතුරු-මැද පළාත් සහ හම්බන්තොට, ත්රිකුණාමලය, පුත්තලම දිස්ත්රික්කවල විටින් විට පැයට කිලෝමීටර් 40 සිට 50 දක්වා තද සුළං හමන බවද පුරෝකථනය කර ඇත.
ගිගුරුම් සහිත වැසි සමඟ ඇතිවිය හැකි අකුණු සහ තාවකාලික තද සුළං හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණ විද්යා දෙපාර්තමේන්තුව ජනතාවට දැනුම් දෙයි.



