
කාලගුණය
අද කාලගුණය – ප්රදේශ කිහිපයකට හවසට වැසි
අද කාලගුණය අනුව බස්නාහිර සහ වයඹ පළාත්වල මෙන්ම ගාල්ල දිස්ත්රික්කයේ වෙරළබඩ ප්රදේශවල උදෑසන කාලයේදී ස්වල්ප වැසි ඇති විය හැකි බව කාලගුණවිද්යා දෙපාර්තමේන්තුව නිවේදනය කරයි.
මඩකලපුව, අම්පාර සහ මොනරාගල දිස්ත්රික්කවල ස්ථාන ස්වල්පයකට පස්වරු 2.00න් පසු වැසි හෝ ගිගුරුම් සහිත වැසි ඇති විය හැකි අතර, දිවයිනේ සෙසු ප්රදේශවල ප්රධාන වශයෙන් වියළි කාලගුණික තත්ත්වයක් පවතිනු ඇත.
උතුරු, උතුරු-මැද පළාත්වලත් හම්බන්තොට සහ පුත්තලම දිස්ත්රික්කවලත් විටින් විට පැයට කිලෝමීටර් 30 සිට 40 දක්වා වේගයක තරමක තද සුළං හමා යා හැකි බව ද එම නිවේදනයේ සඳහන් වේ.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් අනතුරු සිදුවිය හැකි බැවින් ඒවා අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටියි.



