
ශ්රී ලංකාවට ICC දඩයක්
බටහිර ඉන්දීය කොදෙව් කණ්ඩායමට එරෙහිව පැවැති පළමු එක්දින තරගයේදී නියමිත පන්දුවාර වේගය පවත්වාගෙන යාමට අපොහොසත් වීම හේතුවෙන් ශ්රී ලංකා කණ්ඩායමට දඩ මුදලක් පැනවීමට අන්තර්ජාතික ක්රිකට් කවුන්සිලය (ICC) පියවර ගෙන තිබේ.
ICC නිවේදනයට අනුව, ශ්රී ලංකා කණ්ඩායම නියමිත කාල සීමාව තුළ පන්දුවාර දෙකක් අඩුවෙන් යොමු කර ඇති බව තරග තීරක රිචී රිචඩ්සන් තීරණය කර ඇත.
ඒ අනුව කණ්ඩායමට තරග ගාස්තුවෙන් සියයට 10ක දඩයක් පැනවූ අතර, ක්රීඩකයන්ට ද තරග ගාස්තුවෙන් සියයට 5ක දඩයක් අය කිරීමට නියම කර තිබේ.
මෙම සිද්ධිය සම්බන්ධයෙන් ශ්රී ලංකා නායක කුසල් මෙන්ඩිස් වරද භාරගෙන ඇති බැවින් වැඩිදුර විභාගයක් අවශ්ය නොවන බව ICC සඳහන් කළේය.
ශ්රී ලංකාව සහ බටහිර ඉන්දීය කොදෙව් කණ්ඩායම් අතර පළමු එක්දින තරගය පසුගිය 3 වැනිදා ජැමෙයිකාවේදී පැවැති අතර, එහිදී ශ්රී ලංකාව ලකුණු 41ක ජයක් වාර්තා කිරීමට සමත් විය.



