
ඉදිරි දිනවල වැසි ගැන කාලගුණයෙන් අනාවැකියක්
ඉදිරි දිනවල වැසි සම්බන්ධයෙන් කාලගුණ විද්යා දෙපාර්තමේන්තුව නව අනාවැකියක් නිකුත් කර තිබේ.
එම දෙපාර්තමේන්තුව අද (21) අලුයම නිකුත් කළ කාලගුණ නිවේදනයට අනුව, ඉදිරි දින කිහිපය තුළ දිවයිනේ බොහෝ ප්රදේශවල සවස් කාලයේදී ගිගුරුම් සහිත වැසි ඇතිවීමට හිතකර වායුගෝලීය තත්ත්වයක් වර්ධනය වෙමින් පවතී.
ඉදිරි දිනවල වැසි – ප්රදේශ රැසකට මි.මී. 75 ඉක්මවූ තද වැසි ඇතිවීමේ අවදානමක්
අද දිනයේ බස්නාහිර, සබරගමුව, වයඹ, මධ්යම සහ ඌව පළාත්වල මෙන්ම ගාල්ල සහ මාතර දිස්ත්රික්කවල ද ඇතැම් ස්ථානවලට සවස් කාලයේ හෝ රාත්රී කාලයේ වැසි හෝ ගිගුරුම් සහිත වැසි ඇතිවිය හැකි බව එම නිවේදනයේ සඳහන් වේ.
තවද, ඇතැම් ප්රදේශවලට මිලිමීටර් 75 ඉක්මවූ තරමක තද වැසි ඇතිවීමේ හැකියාවක් ද පවතින බව කාලගුණ විද්යා දෙපාර්තමේන්තුව පෙන්වා දෙයි.
මේ අතර, දිවයිනේ බොහෝ ප්රදේශවල අලුයම් කාලයේදී මීදුම් සහිත කාලගුණ තත්ත්වයක් පැවතිය හැකි බවද සඳහන් කර තිබේ.
ගිගුරුම් සහිත වැසි ඇතිවන අවස්ථාවලදී තාවකාලික තද සුළං සහ අකුණු මඟින් සිදුවිය හැකි අනතුරු අවම කරගැනීම සඳහා අවශ්ය ආරක්ෂිත පියවර ගන්නා ලෙස ද කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කරයි.
උප සිරැසිය
ඉදිරි දින කිහිපයේදී ඇතැම් ප්රදේශවලට මි.මී. 75 ඉක්මවූ වැසි ඇතිවිය හැකියි



