ක්‍රීඩා

ශ්‍රී ලංකාව අවසන් තරගයට – පාකිස්තානයට කඩුලු 8ක පරාජයක්

 

ශ්‍රී ලංකාව අවසන් තරගයට සුදුසුකම් ලබාගැනීමේ බලාපොරොත්තු තවදුරටත් ශක්තිමත් කරගනිමින් පාකිස්තානයේ පැවැත්වෙන තුන්කොන් එක්දින ක්‍රිකට් තරගාවලියේ පස්වැනි තරගයෙන් සත්කාරක පාකිස්තාන කණ්ඩායම කඩුලු 8කින් පරාජය කිරීමට සමත් විය.

ශ්‍රී ලංකාව අවසන් තරගයට යන ගමනේදී පාකිස්තානයට කඩුලු 8ක පරාජයක් – දිල්ෂාන් මධුශංකගෙන් කඩුලු 5ක්

ලාහෝර්හිදී පැවැති මෙම තරගයේ පළමුව පන්දුවට පහරදුන් පාකිස්තාන කණ්ඩායමට පන්දුවාර 25.3ක් අවසානයේ සියලු දෙනා දැවී ලබාගත හැකි වූයේ ලකුණු 110ක් පමණි.

පාකිස්තාන පිතිකරණ ලැයිස්තුවට දැඩි පීඩනයක් එල්ල කළ දිල්ෂාන් මධුශංක පන්දුවාර 8.3ක් යවා ලකුණු 34ක් ලබාදෙමින් කඩුලු 5ක් බිඳහෙළීය. සහන් ආරච්චිගේ කඩුලු 2ක් දවාගත් අතර අසිත ප්‍රනාන්දු, එෂාන් මාලිංග සහ දුනිත් වෙල්ලාලගේ එක් කඩුල්ල බැගින් ලබාගත්හ.

පාකිස්තාන ඉනිමේ වැඩිම ලකුණු සංඛ්‍යාව වාර්තා කළ බාබර් අසාම් ලකුණු 29ක් රැස් කළේය. හසන් නවාස්ගේ පිත්තෙන් ලකුණු 17ක් වාර්තා විය.

ජයග්‍රහණය සඳහා ලකුණු 111ක ඉලක්කයක් හිමි වූ ශ්‍රී ලංකා කණ්ඩායම එය පන්දුවාර 18.1කදී කඩුලු 2ක් පමණක් දැවී පසුකර ගියේය. ඒ අනුව ශ්‍රී ලංකාවට කඩුලු 8ක විශිෂ්ට ජයක් හිමිවිය.

ශ්‍රී ලංකා ඉනිම සාර්ථකව මෙහෙයවූ කමිඳු මෙන්ඩිස් පන්දු 62කට මුහුණ දෙමින් හතරේ පහර 8ක් සහ හයේ පහර 2ක් සමඟ නොදැවී ලකුණු 62ක් ලබාගත්තේය. පවන් රත්නායක ද නොදැවී ලකුණු 23ක් රැස් කරමින් කමිඳු සමඟ එක්ව ජයග්‍රහණය තහවුරු කළේය.

අවිශ්ක ප්‍රනාන්දු ලකුණු 16ක් ලබාගත් අතර කුසල් මෙන්ඩිස් ලකුණු 8කට දැවී ගියේය.

ඒ අනුව ශ්‍රී ලංකා කණ්ඩායමට තවත් පන්දුවාර 31.5ක් ඉතිරිව තිබියදී ජයග්‍රහණය වාර්තා කිරීමට හැකි විය. පාකිස්තාන ඉනිම බිඳ දැමූ දිල්ෂාන් මධුශංකගේ කඩුලු පහේ දක්ෂතාව මෙම තරගයේ විශේෂත්වයක් බවට පත්විය.

Related Articles

Leave a Reply

Your email address will not be published. Required fields are marked *

Back to top button