
ඔක්තෝබර් 1 සිට ප්රදේශ රැසකට ගිගුරුම් සහිත වැසි
හෙට (01) සිට දිවයිනේ බොහෝ ප්රදේශවල සවස් කාලයේදී ගිගුරුම් සහිත වැසි ඇතිවීමට හිතකර වායුගෝලීය තත්ත්වයක් පවතිනු ඇතැයි කාලගුණවිද්යා දෙපාර්තමේන්තුව පවසයි.
ඌව, නැගෙනහිර සහ මධ්යම පළාත්වලට අමතරව පොලොන්නරුව සහ මුලතිව් දිස්ත්රික්කවල පස්වරු 1.00න් පසුව තැනින් තැන වැසි හෝ ගිගුරුම් සහිත වැසි ඇතිවිය හැකිය.
එම ප්රදේශවල ඇතැම් ස්ථානවලට මිලිමීටර් 50 ඉක්මවූ තරමක් තද වැසි ඇතිවීමේ හැකියාවද පවතින බව එම දෙපාර්තමේන්තුව සඳහන් කරයි.
මේ අතර, බස්නාහිර පළාතේ මෙන්ම ගාල්ල සහ මාතර දිස්ත්රික්කවල වෙරළබඩ ප්රදේශවලට උදෑසන කාලයේදී වැසි ස්වල්පයක් ඇතිවිය හැකිය.
සබරගමුව සහ මධ්යම පළාත්වල ඇතැම් ස්ථානවල අලුයම් කාලයේදී මීදුම් සහිත තත්ත්වයක්ද අපේක්ෂා කෙරේ.
ගිගුරුම් සහිත වැසි ඇතිවන අවස්ථාවල තාවකාලික තද සුළං සහ අකුණු ඇතිවිය හැකි බැවින්, එමගින් සිදුවිය හැකි අනතුරු අවම කරගැනීම සඳහා අවශ්ය ආරක්ෂිත පියවර ගන්නා ලෙස කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.



