ක්‍රීඩා

ශ්‍රී ලංකාව එක්දින ශ්‍රේණිගත කිරීම්වල එක් පියවරකින් පහළට

ජාත්‍යන්තර ක්‍රිකට් කවුන්සිලය (ICC) විසින් නිකුත් කළ නවතම එක්දින කණ්ඩායම් ශ්‍රේණිගත කිරීම් අනුව ශ්‍රී ලංකා කණ්ඩායම එක් ස්ථානයකින් පහළට බැස 6 වන ස්ථානයට පැමිණ තිබේ.

කොළඹදී ඊයේ (27) අවසන් වූ එංගලන්තය සමඟ පැවැති එක්දින තරගාවලිය 2–1 ලෙස පරාජයට පත්වීම හේතුවෙන්, මෙතෙක් 5 වන ස්ථානයේ සිටි ශ්‍රී ලංකා කණ්ඩායම 6 වන ස්ථානය දක්වා පහත වැටී ඇත.

මේ අතර එංගලන්ත කණ්ඩායම තවදුරටත් 8 වන ස්ථානයේ රැඳී සිටින අතර, ඔවුන්ට ඉදිරියෙන් 7 වන ස්ථානයේ ඇෆ්ගනිස්තානය පසුවීම විශේෂත්වයක් වේ.

ඊයේ ලැබූ එංගලන්තයේ මෙම තරගාවලි ජය, 2023 වසරෙන් පසු ඔවුන්ට තම රටින් පිටතදී ලැබූ පළමු එක්දින තරගාවලි ජය ලෙසද සටහන් වේ.

  1. නවතම ශ්‍රේණිගත කිරීම්වල ප්‍රථම ස්ථානය ඉන්දියාව සතු වන අතර, දෙවන ස්ථානය නවසීලන්තයටත්, තෙවන ස්ථානය ඔස්ට්‍රේලියාවටත් හිමිව ඇත. පාකිස්තාන කණ්ඩායම 4 වන ස්ථානයේ පසුවෙයි.

Related Articles

Leave a Reply

Your email address will not be published. Required fields are marked *

Back to top button