
අද කාලගුණ අනාවැකිය – ප්රදේශ රැසකට වැසි
2026 අගෝස්තු 21 දින උදෑසන 5.30ට නිකුත් කළ අද කාලගුණ අනාවැකිය අනුව, බස්නාහිර සහ සබරගමුව පළාත්වලට මෙන්ම මහනුවර, නුවරඑළිය, ගාල්ල සහ මාතර දිස්ත්රික්කවලට වැසි වාර කිහිපයක් ඇති විය හැකිය.
වයඹ පළාතේ ඇතැම් ප්රදේශවලට සුළු වැසි ඇති විය හැකි අතර, අම්පාර, මොණරාගල සහ මඩකලපුව දිස්ත්රික්කවල ස්ථාන කිහිපයකට පස්වරු 2.00න් පසුව වැසි හෝ ගිගුරුම් සහිත වැසි ඇතිවීමේ හැකියාව පවතී.
දිවයිනේ අනෙකුත් ප්රදේශවල ප්රධාන වශයෙන් වියළි කාලගුණික තත්ත්වයක් පවතිනු ඇත. මධ්යම කඳුකරයේ බටහිර බෑවුම් ප්රදේශවල, උතුරු-මැද සහ වයඹ පළාත්වල මෙන්ම මන්නාරම, ත්රිකුණාමලය, හම්බන්තොට සහ මාතලේ දිස්ත්රික්කවල විටින් විට පැයට කිලෝමීටර් 30–40ක පමණ තරමක් තද සුළං ඇති විය හැකිය.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙස ජනතාවට දැනුම් දී තිබේ.



