
ප්රදේශ කිහිපයකට තද වැසි අනෙක් ප්රදේශ වලට හිරු මුදුන් වෙයි
ප්රදේශ කිහිපයකට තද වැසි – අද ප්රදේශ රැසකට හිරු මුදුන් වෙයි
ඌව, මධ්යම සහ නැගෙනහිර පළාත්වල මෙන්ම පොළොන්නරුව සහ මුලතිව් දිස්ත්රික්කවල පස්වරු 2.00න් පසුව තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසයි.
එමෙන්ම ඌව සහ නැගෙනහිර පළාත්වල ඇතැම් ස්ථානවලට මිලිමීටර් 75 ඉක්මවූ තරමක තද වැසි ඇතිවීමේ හැකියාවක් පවතින බවද එම දෙපාර්තමේන්තුව සඳහන් කරයි.
බස්නාහිර සහ සබරගමුව පළාත්වලටත් ගාල්ල සහ මාතර දිස්ත්රික්කවලටත් වැසි ස්වල්පයක් ඇතිවිය හැකි බව කාලගුණ අනාවැකියේ දැක්වේ.
මේ අතර, සූර්යයා දෘශ්ය ලෙස දකුණට ගමන් කිරීමේදී අගෝස්තු 28 සිට සැප්තැම්බර් 07 දක්වා ශ්රී ලංකාව ආසන්න අක්ෂාංශවලට සෘජුවම ඉහළින් ගමන් කරයි.
ඒ අනුව අද (06) දහවල් 12.08ට බෙන්තොට, තිනියාවල, ඉත්තකන්ද, උඩවලව සහ කතරගම යන ප්රදේශවලට හිරු මුදුන් වන බව කාලගුණ විද්යා දෙපාර්තමේන්තුව සඳහන් කරයි.



