
අද කාලගුණ තත්ත්වය පළාත් කිහිපයකට වැසි
අද කාලගුණ තත්ත්වය අනුව පළාත් කිහිපයකට වැසි
කාලගුණවිද්යා දෙපාර්තමේන්තුව සඳහන් කළේ අද කාලගුණ තත්ත්වය අනුව සබරගමුව පළාතේ මෙන්ම මහනුවර සහ නුවරඑළිය දිස්ත්රික්කවල වැසි වාර කිහිපයක් ඇතිවිය හැකි බවයි.
බස්නාහිර සහ වයඹ පළාත්වලත්, ගාල්ල සහ මාතර දිස්ත්රික්කවලත් ස්ථාන කිහිපයකට වැසි ස්වල්පයක් ඇතිවිය හැකි බව එම දෙපාර්තමේන්තුව පවසයි.
එමෙන්ම ඌව පළාතේ සහ අම්පාර, මඩකලපුව දිස්ත්රික්කවල ස්ථාන කිහිපයකට පස්වරු 2න් පසුව වැසි හෝ ගිගුරුම් සහිත වැසි ඇතිවීමේ හැකියාව පවතී.
දිවයිනේ අනෙකුත් ප්රදේශවල ප්රධාන වශයෙන් වියළි කාලගුණ තත්ත්වයක් පවතින බවද කාලගුණවිද්යා දෙපාර්තමේන්තුව සඳහන් කරයි.
මේ අතර මධ්යම කඳුකරයේ බටහිර බෑවුම් ප්රදේශ, උතුරු මැද පළාත, මොනරාගල, පුත්තලම, හම්බන්තොට, ත්රිකුණාමලය සහ මන්නාරම දිස්ත්රික්කවල විටින් විට පැයට කිලෝමීටර් 40ත් 50ත් අතර තද සුළං ඇතිවිය හැකි බව දැනුම් දී තිබේ.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු අනතුරු වලින් ආරක්ෂා වීමට අවශ්ය පියවර ගන්නා ලෙස ජනතාවට කාලගුණවිද්යා දෙපාර්තමේන්තුව දැනුම් දෙයි.



