
කාලගුණය
අදත් ප්රදේශ රැසකට වැසි
දිවයිනේ ප්රදේශ කිහිපයකට අද (20) දිනයේ වැසි තත්ත්වයක් අපේක්ෂා කළ හැකි බව කාලගුණවිද්යා දෙපාර්තමේන්තුව නිවේදනය කරයි.
ඒ අනුව බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල ද විටින් විට වැසි වාර ඇතිවිය හැකි බව සඳහන්ය.
තවද ඌව හා නැගෙනහිර පළාත්වලත් මුලතිව් දිස්ත්රික්කයේත් පස්වරු 2.00 න් පසුව ස්ථාන කිහිපයක වැසි හෝ ගිගුරුම් සහිත වැසි ඇතිවීමේ හැකියාවක් පවතින බව එම දෙපාර්තමේන්තුව පෙන්වා දෙයි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්ය ආරක්ෂිත ක්රියාමාර්ග අනුගමනය කරන ලෙස ජනතාවට දැනුම් දී ඇත.



