
නිරිතදිග වැසි අද සිට වැඩි වෙයි
නිරිතදිග වැසි අද (19) සිට ඉදිරි දින කිහිපය තුළ වැඩි වීමේ හැකියාවක් පවතින බව කාලගුණ විද්යා දෙපාර්තමේන්තුව සඳහන් කරයි.
අද අලුයම නිකුත් කළ කාලගුණ අනාවැකියට අනුව බස්නාහිර, සබරගමුව සහ වයඹ පළාත්වලට විටින් විට වැසි ඇති විය හැකිය. මීට අමතරව ගාල්ල, මාතර, මහනුවර සහ නුවරඑළිය දිස්ත්රික්කවලද වැසි තත්ත්වයක් අපේක්ෂා කෙරේ.
සබරගමුව පළාතේ මෙන්ම මහනුවර සහ නුවරඑළිය දිස්ත්රික්කවල ඇතැම් ස්ථානවලට මිලිමීටර් 50 ඉක්මවූ තරමක තද වැසි ඇති විය හැකි බවද කාලගුණ විද්යා දෙපාර්තමේන්තුව පවසයි.
මේ අතර ඌව පළාතේ සහ මුලතිව්, මඩකලපුව හා අම්පාර දිස්ත්රික්කවල පස්වරු 2.00න් පසුව තැනින් තැන වැසි හෝ ගිගුරුම් සහිත වැසි ඇතිවීමට ඉඩ තිබේ.
ගිගුරුම් සහිත වැසි පවතින අවස්ථාවලදී තාවකාලික තද සුළං ඇතිවිය හැකි අතර අකුණු අනතුරුද සිදුවිය හැකි බැවින් ඒවායෙන් ආරක්ෂා වීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.



