
කොදෙව් සංචාරයේ එක්දින කුසලානය ශ්රී ලංකාව සතු කරගනී
සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැත්වීමට නියමිතව තිබූ අවසන් එක්දින ක්රිකට් තරගය වර්ෂාව හේතුවෙන් කිසිදු පන්දුවක් යැවීමට නොහැකිව අත්හැර දැමීමට සිදුවිය.
සබිනා පාර්ක් ක්රීඩාංගණයට දිගින් දිගටම ඇද හැලුණු අධික වර්ෂාව හේතුවෙන් පිටිය ක්රීඩා කිරීමට සුදුසු තත්ත්වයට පත් නොවූ අතර, ඒ අනුව තරගය පැවැත්වීමේ බලාපොරොත්තු අවසන් විය.
විනිසුරුවන් අවස්ථා කිහිපයකදී පිටිය පරීක්ෂා කළ අතර, ක්රීඩාංගණ නඩත්තු කාර්ය මණ්ඩලය සමඟ කළ සාකච්ඡාවලින් අනතුරුව තීරණය කරනු ලැබුවේ ඕවර 20ක සීමිත තරගයක් හෝ ආරම්භ කිරීමට නියමිත අවසන් කාලය වන රාත්රී 8.02 වන විටද තත්ත්වය යහපත් නොවන බවයි.
එම නිසා තරගාවලිය 1-0ක් ලෙස අවසන් වූ අතර, පළමු එක්දින තරගයේදී ලකුණු 41ක ජයග්රහණයක් වාර්තා කළ ශ්රී ලංකා කණ්ඩායම තරගාවලියේ ශූරතාව හිමිකර ගත්තේය.
මෙය ශ්රී ලංකාව කැරිබියන් දූපත්හිදී එක්දින තරගාවලියක් ජයගත් පළමු අවස්ථාව ලෙස වසර 23කට පසු ඉතිහාසගත වන අතර, මීට පෙර එවැනි ජයග්රහණයක් වාර්තා කර තිබුණේ 2003 වසරේදීය.



