ව්‍යාපාරික

මූල්‍ය ආයතන 11කට දඩ

මූල්‍ය ආයතන 11කට දඩ පැනවීමට ශ්‍රී ලංකා මහ බැංකුවේ මූල්‍ය බුද්ධි ඒකකය (FIU) පියවර ගෙන තිබේ.

2006 අංක 06 දරණ මුදල් ගනුදෙනු වාර්තා කිරීමේ පනතේ විධිවිධානවලට අනුකූලව කටයුතු කිරීමට අපොහොසත් වීම හේතුවෙන් මෙම පරිපාලනමය දඩ මුදල් නියම කර ඇති බව මහ බැංකුව නිවේදනය කළේය.

මූල්‍ය ආයතන 11කට දඩ පැනවූයේ ඇයි?

පසුගිය වසරේ ඔක්තෝබර් මාසයේ සිට මෙම වසරේ මාර්තු මාසය දක්වා කාලය තුළ වාර්තා වූ නීති උල්ලංඝන සිද්ධීන් සැලකිල්ලට ගනිමින් මෙම ක්‍රියාමාර්ග ගෙන ඇත.

මුදල් විශුද්ධිකරණය වැළැක්වීම සහ ත්‍රස්තවාදයට මුදල් සැපයීම මැඩපැවැත්වීම සඳහා නියාමන ආයතනය ලෙස ක්‍රියා කරන ශ්‍රී ලංකා මහ බැංකුවේ මූල්‍ය බුද්ධි ඒකකය අදාළ ආයතන 11 වෙත සමස්තයක් ලෙස රුපියල් මිලියන 14.6ක දඩ මුදලක් නියම කර තිබේ.

මහ බැංකුව වැඩිදුරටත් සඳහන් කළේ, මූල්‍ය ආයතන 11කට දඩ ලෙස අය කරගත් සියලුම මුදල් රජයේ ඒකාබද්ධ අරමුදලට බැර කර ඇති බවයි.

නියාමන නීතිවලට අනුකූලව කටයුතු කිරීම මූල්‍ය පද්ධතියේ විනිවිදභාවය සහ විශ්වසනීයත්වය තහවුරු කිරීම සඳහා අත්‍යවශ්‍ය වන බවද මහ බැංකුව අවධාරණය කර තිබේ.

Related Articles

Leave a Reply

Your email address will not be published. Required fields are marked *

Back to top button