කාලගුණය

අද කාලගුණ අනාවැකිය – අදත් පළාත් කිහිපයකට වැසි

2026 අගෝස්තු 30 වැනිදා උදෑසන 5.30ට නිකුත් කළ කාලගුණ අනාවැකියට අනුව, දිවයිනේ පළාත් කිහිපයකට අද දිනයේදී වැසි ඇතිවිය හැකි බව කාලගුණ විද්‍යා දෙපාර්තමේන්තුව සඳහන් කරයි.

 පළාත් කිහිපයකට වැසි

සබරගමුව පළාතේත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි ඇතිවිය හැකිය.

බස්නාහිර සහ වයඹ පළාත්වලද වැසි වාර කිහිපයක් ඇතිවීමට හැකියාව පවතින බව කාලගුණ අනාවැකිය මඟින් පෙන්වා දෙයි.

 පස්වරුවේ ගිගුරුම් සහිත වැසි

ඌව පළාතේ මෙන්ම අම්පාර, මඩකලපුව සහ හම්බන්තොට දිස්ත්‍රික්කවල ස්ථාන ස්වල්පයක පස්වරු 2.00න් පසුව වැසි හෝ ගිගුරුම් සහිත වැසි ඇතිවිය හැකිය.

දිවයිනේ සෙසු ප්‍රදේශවල ප්‍රධාන වශයෙන් වියළි කාලගුණික තත්ත්වයක් පවතිනු ඇති බවද කාලගුණ අනාවැකිය සඳහන් කරයි.

ප්‍රදේශ රැසකට තද සුළං

මධ්‍යම කඳුකරයේ බටහිර බෑවුම් ප්‍රදේශවලත් උතුරු, උතුරු-මැද සහ වයඹ පළාත්වලත් විටින් විට තද සුළං ඇතිවිය හැකිය.

ත්‍රිකුණාමලය, මොණරාගල, හම්බන්තොට සහ මාතලේ දිස්ත්‍රික්කවලද පැයට කිලෝමීටර් 40ත් 50ත් අතර වේගයකින් තද සුළං ඇතිවිය හැකි බව කාලගුණ අනාවැකිය මඟින් දැනුම් දී තිබේ.

 අකුණු අනතුරු ගැන අවධානය

ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් ඉල්ලා සිටී.

විශේෂයෙන් ගිගුරුම් සහිත වැසි පවතින අවස්ථාවලදී විවෘත ප්‍රදේශවල රැඳී සිටීමෙන් වළකින ලෙසත් ආරක්ෂිත පියවර අනුගමනය කරන ලෙසත් අවධාරණය කරයි.

 අද හිරු මුදුන්වන ප්‍රදේශ

සූර්යයා දෘශ්‍ය ලෙස දකුණට ගමන් කිරීමේදී අගෝස්තු 28 වැනිදා සිට සැප්තැම්බර් 7 වැනිදා දක්වා ශ්‍රී ලංකාව ආසන්න අක්ෂාංශවලට සෘජුවම ඉහළින් පවතී.

ඒ අනුව අද (30) දහවල් 12.11ට මන්නාරම, පෙරියමඩු, පුලියන්කුලම, වැලිඔය සහ පුල්මුඩේ ප්‍රදේශවලට හිරු මුදුන්ව පවතින බවද කාලගුණ අනාවැකිය මඟින් සඳහන් කර තිබේ.

 

Related Articles

Leave a Reply

Your email address will not be published. Required fields are marked *

Back to top button