
ප්රදේශ කිහිපයකට අදත් මි.මී. 75 ඉක්මවූ තද වැසි
අදත් මි.මී. 75 ඉක්මවූ තද වැසි ප්රදේශ කිහිපයකට ඇතිවීමේ අවදානමක්
අදත් මි.මී. 75 ඉක්මවූ තද වැසි දිවයිනේ ප්රදේශ කිහිපයකට ඇති විය හැකි බව කාලගුණ විද්යා දෙපාර්තමේන්තුව දැනුම් දෙයි. ඒ අනුව අද පස්වරු 1.00න් පසුව දිවයිනේ බොහෝ ප්රදේශවල වැසි හෝ ගිගුරුම් සහිත වැසි ඇතිවීමේ හැකියාව පවතී.
බස්නාහිර, සබරගමුව, මධ්යම සහ ඌව පළාත්වල ඇතැම් ස්ථානවලට මෙන්ම කුරුණෑගල, පොලොන්නරුව, ත්රිකුණාමලය සහ මුලතිව් දිස්ත්රික්කවල ද මි.මී. 75 ඉක්මවූ තරමක් තද වැසි ඇති විය හැකි බව එම දෙපාර්තමේන්තුව සඳහන් කරයි.
එමෙන්ම බස්නාහිර පළාතේ සහ ගාල්ල දිස්ත්රික්කයේ වෙරළබඩ ප්රදේශවල උදෑසන කාලයේදී ද වැසි ඇතිවිය හැකිය.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කර ගැනීමට අවශ්ය ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවට උපදෙස් ලබා දෙයි.
මේ අතර බස්නාහිර, සබරගමුව, මධ්යම සහ ඌව පළාත්වල ඇතැම් ස්ථානවල අලුයම් කාලයේදී මීදුම් සහිත තත්ත්වයක් ද පැවතිය හැකි බව වැඩිදුරටත් සඳහන් වේ.



