
කාලගුණය
අද කාලගුණය: ප්රදේශ රැසකට වැසි සහ තද සුළං
අද (26) දිනයේදී බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල විටින් විට වැසි අපේක්ෂා කරන බව කාලගුණ විද්යා දෙපාර්තමේන්තුව නිවේදනය කරයි.
එසේම ඌව පළාත සහ අම්පාර හා මඩකලපුව දිස්ත්රික්කවල ස්ථාන කිහිපයකට පස්වරු 2.00ට පසු වැසි හෝ ගිගුරුම් සහිත වැසි ඇතිවීමේ හැකියාව පවතින බවද එම දෙපාර්තමේන්තුව පෙන්වා දෙයි.
මධ්යම කඳුකරයේ බටහිර බෑවුම් ප්රදේශ, උතුරු, උතුරු-මැද, වයඹ සහ දකුණු පළාත් මෙන්ම ත්රිකුණාමලය දිස්ත්රික්කයේද විටින් විට පැයට කිලෝමීටර් 30 සිට 40 දක්වා වේගයෙන් තරමක තද සුළං හමා යා හැකි බව සඳහන් වේ.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු හේතුවෙන් අනතුරු සිදුවිය හැකි බැවින්, ඒවා අවම කර ගැනීම සඳහා අවශ්ය ආරක්ෂිත පියවර අනුගමනය කරන ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටියි.



